fbpx
Բաժիններ

Բագրատ Նավոյան. «Ալաշկերտը» դուրս կգա Հայաստանի առաջնությունից, եթե մեղավորները չստանան արժանի պատիժը»

«Ալաշկերտի» հիմնադիր-նախագահ Բագրատ Նավոյանը հանդես է եկել հայտարարությամբ` մեկնաբանելով վերջին օրերին հայկական ակումբային ֆուտբոլում տեղի ունեցող իրադարձությունները:

ՀՀ Բարձրագույն խմբի առաջնության 27-րդ տուրի հանդիպումներից հետո հայտնի դարձավ, որ ՀՖՖ կարգապահական կոմիտեի հերթական նիստի ընթացքում որոշում է կայացվել «Շիրակ» թիմի արդյունքներն ընթացիկ առաջնությունում նվազեցնել 12 միավորով` պայմանավորված խաղի կազմակերպման փորձի համար:

«Ծանոթանալով «Լոռի» ՖԱ-ի հիմնադիր-նախագահ Թովմաս Գրիգորյանի հայտարարությանը և կիսելով ինչպես նրա, այնպես էլ` ամբողջ հայկական ֆուտբոլային ընտանիքի մտահոգությունն ու անհանգստությունը, ցանկանում եմ ասել հետևյալը.

Լինելով Հայաստանի վերջին երկու տարիների չեմպիոն հանդիսացող ֆուտբոլային ակումբի նախագահը, շատ մտահոգված եմ հայկական ակումբային ֆուտբոլը ցնցած վերջին նորություններով:

Ստացվում է, որ նման արատավոր երևույթների հետևանքով կարող են ջուրն ընկնել մեր այսքան տարիների ընթացքում կատարած հսկայածավալ գործունեությունը, ներդրումները և դրանցից բխող ակնկնալիքներն ու հաջողությունները:

Գրանցված միջադեպն առավել քան մտահոգիչ է և վտանգում է նաև մեր և հայկական այլ ակումբների նպատակները, քանի որ չեմպիոնության և մրցանակային տեղերի համար պայքարն առաջնության վերջնագծում սուր և անկանխատեսելի ընթացք է ստացել:

Ցանկանում ենք ընդգծել, որ մեր ազգային առաջնության ակումբներում կան մի քանի արտասահմանցիներ, որոնք, կարծես, խմբավորում են ստեղծել, և իրենց արատավոր գործունեությամբ ցանկանում են սև բիծ թողնել հայկական ֆուտբոլի վրա` գցելով մեր ֆուտբոլի հեղինակությունը: Այդ առումով, հարկ եմ համարում մեր ֆուտբոլի ֆեդերացիայի համապատասխան մասնագետների ուշադրությունը հրավիրել «Շիրակ» — «Փյունիկ» և «Փյունիկ» — «Շիրակ» վերջին երկու հանդիպումներին:

Հաջորդ մրցաշրջանի համար ես մտադիր եմ էլ ավելի ուժեղացնել «Ալաշկերտը»` ինչպես Հայաստանում, այնպես էլ` Եվրոպական մրցասպարեզում նորանոր հաջողություններ արձանագրելու նպատակով:

Միևնույն ժամանակ, հայտարարում եմ, որ եթե մեղավորները չստանան արժանի պատիժը, պարզապես անիմաստ կլինի թիմն ուժեղացնելը և ընդհանրապես նոր առաջնությանը մասնակցելը, քանի որ հակառակ պարագայում մեծ վտանգ կա, որ նմանատիպ դեպքերը կկրկնվեն: Թող որ սա լինի վերջին այսպիսի դեպքը հայկական ֆուտբոլում: Հակառակ պարագայում, ես ստիպված կլինեմ «Ալաշկերտ» ֆուտբոլային ակումբի բոլոր թիմերը հանել Հայաստանի առաջնություններից»:

Աղբյուրը՝ «Ալաշկերտի» պաշտոնական կայք

Հետևե՛ք VNews.am-ին նաև Youtube-ում և Instagram-ում:


Խաշմանյանը կփորձի վերջ դնել իր նախկին թիմի հաղթական մեկնարկին․ Ամենաուշագրավ փաստերը՝ ԲԽ-ի 4-րդ տուրին ընդառաջ

Արթուր Վանեցյանի որոշմամբ կասեցվել է Էրիկ Վարդանյանի որակազրկումը

Բարձրագույն խմբի 3-րդ տուրի խորհրդանշական հավաքականը և լավագույն ֆուտբոլիստը

Պաշտոնական․ «Ալաշկերտը» համալրվեց «Ուրարտուի» նախկին հարձակվողով

«Արարատը» կրկնեց վերջին 12 տարիների իր լավագույն արդյունքը, իսկ «Ուրարտուն» հակառեկորդ գրանցեց

«Զենիթի» հայ պաշտպանը տեղափոխվեց «Ալաշկերտ»

Խաշմանյանը բարկացած էր․ «Երբեք չեմ խաբի ինքս ինձ․ մենք չեմպիոն դառնալու ներուժ չունենք» (տեսանյութ)

«Ալաշկերտը» հաղթեց «Ուրարտուին» (տեսանյութ)

«Ալաշկերտ» – «Ուրարտու»․ Մեկնարկային կազմեր, ուղիղ հեռարձակում (տեսանյութ)

«Նման խաղերում պետք է կարողանանք հաղթել խոշոր հաշվով»․ Մամուլի ասուլիս «Շիրակ» – «Երևան» հանդիպումից հետո

«Շիրակը» Գյումրիում 3 միավոր վաստակեց Բարձրագույն խմբի նորեկի հետ խաղում (տեսանյութ)

«Շիրակ» – «Երևան»․ Մեկնարկային կազմեր, ուղիղ հեռարձակում (տեսանյութ)

Կմրցեն «Փյունիկը» և խոստումնալից մեկնարկ ունեցած «Արարատը»․ Ամենաուշագրավ փաստերը՝ ԲԽ-ի 3-րդ տուրին ընդառաջ

«Ալաշկերտի» հարձակվողը կարիերան կշարունակի դանիական «Հորսենսում»

«Ալաշկերտը» «Բեշիքտաշի» հետ խաղով ավարտեց ելույթները կանանց ՉԼ որակավորման փուլում

«Արարատը» վերջին անգամ այսքան լավ մեկնարկել էր Վարուժան Սուքիասյանի օրոք