Գարեթ Բեյլը նշել է, թե որ տիտղոսներն են իր համար ավելի կարևոր

Մադրիդի «Ռեալի» և Ուելսի հավաքականի ֆուտբոլիստ Գարեթ Բեյլը խոսել է հավաքականի և ակումբի կազմում նվաճած տիտղոսների տարբերության մասին:

«Տիտղոսներ նվաճելը միշտ էլ հաճելի է: Սակայն տիտղոս նվաճելը քո երկրի համար ավելի առանձնահատուկ է: Հավաքականն այն է, ինչ քո սրտի և արյան մեջ է: Խաղացողը միշտ ուզում է հպարտության առիթ պարգևել իր երկրին: Այնպես որ միշտ կարևոր է փորձել հաղթել այնպիսի մրցաշարերում, ինչպիսիք են Չինաստանի գավաթը, Եվրոպայի կամ աշխարհի առաջնությունը: Շատ լավ կլինի, եթե ավելի մեծ հաջողության հասնենք Ուելսի հավաքականի հետ: Եզրափակչում կփորձենք հաճույք ստանալ ու լավագույնս հանդես գալ»,-ասել է Բեյլը:

Հիշեցնենք, որ Չինաստանի գավաթ ընկերական մրցաշարի եզրափակչում մարտի 26-ին Ուելսը կմրցի Ուրուգվայի հավաքականի հետ:

Միացի՛ր հայկական ամենասպորտային Instagram-ին: