«Բարսելիոնայի» միայն 6 ֆուտբոլիստի ապագան է երաշխավորված ակումբում

Կատալոնական «Բարսելոնայի» ղեկավարությունը դիտարկում է ամառային տրանսֆերային պատուհանի ընթացքում լուրջ փոխոփություններ անել թիմի կազմում։ Այս պահին արդեն հայտնի են այն ֆուտբոլիստները, որոնք անձեռնմխելի են և ոչ մի պարագայում չեն հեռանա թիմից։

Marca պարբերականի տեղեկություններով, «կապտանռնագույնների» տնօրեններն ընտրել են 6 ֆուտբոլիստի, որոնք կպահպանեն իրենց տեղը թիմում անկախ մրցաշրջանի արդյունքից և այլ ակումբներից եկած առաջարկներից՝ Լիոնել Մեսի, Անտուան Գրիզման, Անսու Ֆատի, Ժերար Պիկե, Ֆրենկի դե Յոնգ, Մարկ Անդրե տեր Շտեգեն։ Նույն աղբյոււրի պնդմամբ՝ առնվազն 3 ֆուտբոլիստ ամռանը կհեռանա «Բարսելոնայից»։ Իվան Ռակիտիչի, Արտուրո Վիդալի ու Նետուի օրերը հաշված են։

Այսպես ակումբի ղեկավարությունն, ըստ պարբերականի, ակնարկում է, որ պատրաստ է հրաժարվել ցանկացած ֆուտբոլիստից՝ հանուն Լաուտարո Մարտինեսի ու Միրալեմ Պյանիչի։

Միացի՛ր հայկական ամենասպորտային Instagram-ին: