«Բարսելոնան» Ռակիտիչին փոխարինելու տարբերակներ է դիտարկում

Կատալոնական «Բարսելոնան» թիմի կիսապաշտպան Իվան Ռակիտիչին փոխարինելու տարբերակներ է դիտարկում՝ հաղորդում է իսպանական AS-ը։

Աղբյուրի տեղեկություններով՝ «կապտանռնագույններն» ուշադրությունը բևեռել են միանգամից երեք ֆուտբոլիստների վրա։ Թիմը հետաքրքրված է Մադրիդի «Ատլետիկոյի» կիսապաշտպան Սաուլ Նիգեսի, «Նապոլիի» ֆուտբոլիստ Ֆաբիան Ռուիզի և «Յուվենտուսի» ֆուտբոլիստ Ռոդրիգո Բենտանկուրի ծառայություններով։

Նշվում է, որ Ռուիզի տրանսֆերային արժեքը նեապոլյան ակումբը գնահատում է 60 միլիոն եվրո։

Ավելի վաղ տեղեկություն է տարածվել, թե Ռակիտիչը ձմեռային տրանսֆերային պատուհանի ընթացքում կարող է լքել կատալոնական ակումբը բավարար խաղաժամանակ չստանալու պատճառով։

Ռակիտիչը՝ «Բարսելոնայում» իր կարգավիճակի մասին. «Նրանք խլել են գնդակն ինձանից. տխուր եմ»

Միացի՛ր հայկական ամենասպորտային Instagram-ին: