«Բարսելոնայի» նախագահական ընտրությունները հետաձգվել են

«Բարսելոնայի» նախագահական ընտրությունները հետաձգվել են, տեղեկացնում է Sport-ը:

Աղբյուրի փոխանցմամբ՝ ընտրությունները տեղի չեն ունենա կորոնավիրուսի համավարակի պատճառով. Բարսելոնայում կարտանտին է սահմանված, կան մի շարք սահմանափակումներ և քվորում ապահովելը հունվարի 24-ին անհնար կլինի: Նշվում է, որ այսօր երեկոյան Խունտայի նախագահ Կառլես Տուսկետսը հանդիպում կունենա նախագահի թեկնածուներ Ժոան Լապորտայի, Վիկտոր Ֆոնտի և Տոնի Ֆրեյշայի հետ, որի ընթացքում կորոշվի ընտրությունների նոր ժամկետը:

Հիշեցնենք, որ թեկնածուներից Էմիլի Ռուսոն լքել էր պայքարը՝ անհրաժեշտ ստորագրությունների քանակ չհավաքելու պատճառով:

Միացի՛ր հայկական ամենասպորտային Instagram-ին: