Բասկետբոլային Կլասիկո. 5 պատճառ այցելելու «Արագած» - «Ուրարտու Վբեթ» խաղին - VNews
Բաժիններ

Բասկետբոլային Կլասիկո. 5 պատճառ այցելելու «Արագած» – «Ուրարտու Վբեթ» խաղին

Բասկետբոլի VBet Ա-լիգայում այսօր գերդիմակայություն է՝ «Արագած» – «Ուրարտու ՎԲեթ»: Ներկայացնում ենք 5 պատճառ, թե ինչու արժե ուրբաթ երեկոն անցկացնել «Միկա» մարզադահլիճում կամ գոնե դիտել խաղը Vivaro News-ի յութուբյան էջում:

1. Հավակնությունների կռիվ

Հայկական բասկետբոլի 2 ամենակայացած թիմերն այս պահին բաժանել են նախորդ մրցաշրջանի ամբողջ ավարը. «Արագածը» Ա-լիգայի կանոնավոր առաջնության ու փլեյ-օֆֆի հաղթողն է, «Ուրարտու ՎԲեթն» էլ հաղթել է գավաթում և Սուպերգավաթում: Վերջինում նրանք հաղթել են հենց «Արագածին»՝ ընդամենը 1 ամիս առաջ: Բացի այդ, այս 2 թիմերը Հայաստանը ներկայացնում են Եվրասիական լիգայում և այնտեղ ևս դիմակայելու են միմյանց:

2. Մարզչական մենամարտ. աշակերտն ընդդեմ ուսուցչի

24-ամյա Միքայել Պողոսյանը արդեն 2-րդ տարին է, ինչ մարզչական աշխատանքի է անցել, ու արդեն շատ վստահ տեսք ունի տեխնիկական գոտում: Նա իր հաշվին արդեն ունի հաղթանակ Հայաստանի գավաթում և Սուպերգավաթում, ինչպես նաև Եվրասիական գավաթում: Մինչդեռ ընդամենը 3 տարի առաջ նա դեռ խաղում էր Հայաստանի հավաքականում՝ հենց «Արագածի» ներկայիս գլխավոր մարզիչ Տիգրան Գյոկչյանի «ձեռքի տակ»: 2016-ին նրանք միասին հաղթեցին Փոքր երկրների Եվրոպայի առաջնությունը, իսկ ապա «Ուրարտուի» հետ փորձեցին արշավել ռուսական Սուպերլիգան, այդ մեկը՝ ոչ այնքան հաջող: Ինչո՞վ աշակերտը կզարմացնի ուսուցչին…

3. «Արագածի» խոցված հեղինակությունը

VBet Ա-լիգայի այս մրցաշրջանը թիմերը սկսել են բացառապես հաղթանակներով՝ 3/3: Ու դժվար թե այս առաջնությունում նրանք ինչ-որ մեկին պարտվեն: Իսկ ահա միմյանց միջև դիմակայությունում «Ուրարտու Վբեթը» նոր մրցաշրջանում կարծես իր կողմն է թեքել կշեռքի սլաքը՝ 2 հաղթանակ ընկերական խաղերում և տպավորիչ տիտղոսային մենամարտ Հայաստանի Սուպերգավաթի համար խաղում: Արդյո՞ք «Արագածը» կհամակերպվի այս շարքի հետ… Ակնհայտ է, որ VBet Ա-լիգայում ամեն ինչ որոշվելու է հենց միմյանց միջև խաղերում, որոնցից առաջինը՝ հենց այսօր:

4. Ո՞վ է ավելի լավ աշխատել ամռանը

Այս զույգը շատ լուրջ է մոտենում խաղացողների ընտրությանը, իսկ VBet Ա-լիգայում այս տարի ներդրված հայ խաղացողի՝ դաշտում լինելու պահանջը նրանց ստիպել է աշխատել ոչ միայն օտարերկրացի, այլ նաև հայազգի խաղացողների ուղղությամբ. «Արագածը» վստահել է աչքի ընկած տեղացի բասկետբոլիստներին, իսկ «Ուրարտու ՎԲեթը» ԱՄՆ-ից հայրենիք է վերադարձրել Մեթյու Մադոյան – Մայքլ Հակոբյան համակրելի դուետին: Դե իսկ օտարերկրյա խաղացողների ընտրության մասով մինչ այս ամենաուժեղը համարվում էր «Արագածը», բայց այս տարի «Ուրարտու ՎԲեթը» կարծես ձեռնոց է նետել փորձառու լիբանանահայերին: Ամեն ինչ պարզ կդառնա այսօր:

5. Նրանք ուղղակի լավագույնն են բոլոր ցուցանիշներով

Դե ինչ, նոյեմբերի 8-ին, 19:30-ին սպասում ենք Ձեզ «Միկա» մարզադահլիճում:

Խաղի ուղիղ հեռարձակումը՝ այստեղ:

Միացի՛ր հայկական ամենասպորտային Instagram-ին:


ՎԲԵԹ Բասկետբոլի Ա և Բ լիգաները նույնպես դադարեցվել են

VBet Եվրասիական լիգան ավարտվեց թեժ հանդիպումներով, հաղթող դարձավ Տուլայի «Արսենալը» (տեսանյութ)

VBet Եվրասիական լիգա. Եզրափակիչներն ու չեմպիոնության տոնումը իրենց ամբողջ գեղեցկությամբ (ֆոտոշարք)

Վբեթ Եվրասիական լիգա․ «Ուրարտու Վբեթը» պարտվեց 3-րդ տեղի համար խաղում (տեսանյութ)

«Ուրարտու Վբեթը»՝ VBet Եվրասիական լիգայի 4-ի եզրափակիչում

VBet Եվրասիական լիգա․ «Ուրարտու Վբեթը» հաղթեց «Բորիսֆենին» (տեսանյութ)

Վբեթ Ա-Լիգա․ «Ուրարտու Վբեթը» վստահ հաղթանակ տոնեց «Էրեբունիի» նկատմամբ (տեսանյութ)

Վբեթ Ա-Լիգա․ «Արագածը» հաղթանակ տոնեց «Ուրարտու Վբեթի» նկատմամբ (տեսանյութ)

Վբեթ Ա-Լիգա․ «Ուրարտու Վբեթ» – «Արագած»․ Ուղիղ հեռարձակում (տեսանյութ)

Վբեթ Եվրասիական լիգա․ «Ուրարտու Վբեթը» պարտվեց արտագնա խաղում (տեսանյութ)

ՎԲեթ Եվրասիական լիգա. «Բարսի Ատիրաու» – «Ուրարտու Վբեթ». ուղիղ հեռարձակում

Անլուծելի խնդիրներ vs «նոր արյուն»՝ ու՞ր է գնում հայկական բասկետբոլը. Հարցազրույց Արա Պողոսյանի հետ

Վբեթ Ա-Լիգա․ «Ուրարտու Վբեթը» հաղթեց խոշոր հաշվով (տեսանյութ)

Վբեթ Ա-Լիգա․ «Ուրարտու Վբեթը» շարունակում է հաղթարշավը (տեսանյութ)

Վբեթ Ա-Լիգա․ ՖԻՄԱ – «Ուրարտու Վբեթ» (ուղիղ հեռարձակում)

Վբեթ Ա-Լիգա․ «Ուրարտու Վբեթի» հերթական հաղթանակը (տեսանյութ)