«Բավարիայում» խուճապ է. ֆուտբոլիստները տրանսֆերներ են պահանջում

«Բավարիան» ավարտված մրցաշրջանում Բունդեսլիգայում վաստակեց 78 միավոր և մեծ դժվարությամբ դարձավ Գերմանիայի չեմպիոն, իսկ Չեմպիոնների լիգայի 1/8 եզրափակիչում դուրս մնացին «Լիվերպուլից»: Մյունխենցիների ֆուտբոլիստների միջին տարիքը բարձրանում է, Ռոբենն ու Ռիբերին հեռացել են:

«Բավարիան» բավական ակտիվ սկսեց ընթացիկ տրանսֆերային պատուհանը՝ գնելով Բենջամին Պավարին ու Լուկաս Հերնանդեսին, բայց կանգ առավ: Իսպանական Marca-ն գրում է, որ մյունխենյան ակումբի հանդերձարանում քաոս է, քանի որ բոլորը դժգոհ են ղեկավարության քաղաքականությունից:

«Պետք է ինչ-որ բան անել ամռանը: Ցանկանում ենք երիտասարդացնել կազմը», – ասել է Կառլ-Հայնց Ռումենիգեն՝ ակումբի գործադիր տնօրենը:

«Պետք է նոր ֆուտբոլիստներ գնել՝ ՉԼ-ում հաղթողի հավակնորդ լինելու համար: Այժմ կազմում ունենք 17 պրոֆեսիոնալ, ինչը շատ վատ է», – ասել է Ջոշուա Կիմիխը: «Բոլորը գիտեն, որ քիչ ֆուտբոլիստներ ունենք թիմում, հուսով եմ՝ ինչ-որ բան տեղի կունենա առաջիկա օրերին», – իր դժգոհությունն է հայտնել նաև Լևանդովսկին:

«Բավարիայի» տրանսֆերային թիրախներին կարող եք ծանոթանալ այստեղ:

Հետևե՛ք VNews.am-ին նաև Youtube-ում և Instagram-ում: