«Բայերը» հաղթեց «Բորուսիային», «Հոֆենհայմը»՝ «Հերտային», Ադամյանը փոխարինման մտավ (տեսանյութ)

Խաղի մանրամասները

Գերմանիա, Բունդեսլիգա, Խմբային Փուլ 17 տուր

19 Հունվար 2021 - 23:30

0

Հերտա

3

ՏՍԳ 1899 Հոֆենհայմ

0 - 1 Սեբաստյան Ռուդի - 33`

0 - 2 Անդրեյ Կրամարիչ - 68`

0 - 3 Անդրեյ Կրամարիչ - 88`

Հայաստանի ազգային հավաքականի հարձակվող Սարգիս Ադամյանը հայտավորված է եղել «Հոֆենհայմի» պահեստայինների նստարանին ու փոխարինման մտել հանդիպման հիմնական ժամանակի վերջին րոպեին:

27-ամյա ֆուտբոլիստը Բունդեսլիգայի ընթացիկ առաջնությունում մասնակցել է 8 խաղի (բոլոր դեպքերում էլ մտել է փոխարինման) ու դարձել 1 գոլի և 2 արդյունավետ փոխանցման հեղինակ:

«Հոֆենհայմը» 17 հանդիպումից հետո վաստակել է 19 միավոր ու 11-12-րդ հորիզոնականներն է բաժանում նույնքան միավոր ունեցող «Աուգսբուրգի» (16 մրցավեճ) հետ: «Հերտան» 17 հանդիպումից հետո ունի 17 միավոր և գտնվում է 14-րդ տեղում:

«Բայեր Լևերկուզեն» 2-1 «Բորուսիա Դորտմունդ»

Գոլերը՝ 1-0՝ Դիաբի 14՛, 1-1՝ Բրանդտ 67՛, 2-1՝ Վիրտց 80՛

«Բայերը» 17 հանդիպումից հետո իր ակտիվում է գրանցել 32 միավոր և 2-3-րդ հորիզոնականներն է կիսում նույնքան միավոր ունեցող «Լայպցիգի» (16 խաղ) հետ: Առաջնության առաջատարը 36 միավոր վաստակած «Բավարիան» է (16 մրցավեճ): Ինչ վերաբերում է «Բորուսիային», ապա այս թիմը 17 հանդիպումից հետո ունեցած 29 միավորով 4-5-րդ տեղերն է բաժանում նույնպիսի ցուցանիշներ ունեցող «Վոլֆսբուրգի» հետ:

Քիչ առաջ ավարտված մյուս խաղում «Վոլֆսբուրգը» հյուրընկալվելիս 2-0 հաշվով հաղթել է «Մայնցին»:

Միացի՛ր հայկական ամենասպորտային Instagram-ին: