«Բոկա Խունիորսը»՝ Դիեգո Մարադոնայի գավաթի հաղթող (տեսանյութ)

Կայացել է Դիեգո Մարադոնայի անվան գավաթի առաջին խաղարկությունը:

Եզրափակիչում «Բոկա Խունիորսը» հետխաղյա 11-մետրանոցներով առավելության է հասել «Բանֆիլդի» նկատմամբ(5-3): Խաղի հիմնական ժամանակն ավարտվել է 1-1 հաշվով:

Հիշեցնենք, որ Դիեգո Մարադոնան «Բոկա Խունիորսում» ելույթ է ունեցել 1981-82 թվականներին՝ դառնալով Արգենտինայի չեմպիոն:

2020 թվականին՝ Դիեգո Մարադոնայի մահվանից հետո, Արգենտինայի ֆուտբոլի ֆեդերացիան Լիգայի գավաթի անվանումը փոխելու և այն Դիեգո Մարադոնայի գավաթ անվանակոչելու որոշում էր կայացրել:

Խաղից հետո էլ «Բոկա Խունիորսի» հարձակվող Կառլոս Տևեսը հայտարարել է, որ չի պատրաստվում այս պահին ավարտել իր մարզական կարիերան:

«Շատ բարդ ժամանակահատված է ընտանիքիս համար, ու ես հիմա չեմ պատրաստվում ավարտել մարզական կարիերաս: Կարող եմ խաղալ ու օգնել ընտանիքիս: Սա շատ դժվար պահ է բոլորիս համար:

Շատ կարևոր էր նվաճել Դիեգո Մարադոնայի առաջին գավաթը նրա մահվանից հետո: Սա շատ կարևոր էր «Բոկայի» համար»,- AS-ը մեջբերում է Տևեսի խոսքը:

«Բոկա Խունիորսի» ֆուտբոլիստները բարձրացնում են գավաթը՝

“Dale campeooooonnn, dale campeooooonnn…”
🎶 #SeQuedaEnCasa pic.twitter.com/B0sADe8yV8

— Boca Jrs. Oficial (desde 🏡) (@BocaJrsOficial) January 18, 2021

«Բոկա Խունիորսը» տոնում է հաջողությունը հանդերձարանում՝

😀💙💛💙#SeQuedaEnCasa pic.twitter.com/pgqNazBKwa

— Boca Jrs. Oficial (desde 🏡) (@BocaJrsOficial) January 18, 2021

Միացի՛ր հայկական ամենասպորտային Instagram-ին: