«Բորուսիան» վախենում է վատագույնից և պատրաստում հաջորդ քայլը

«Բորուսիայում» վախենում են առաջիկա ժամանակներում կորցնել ոչ միայն Էրլինգ Հալանդին, այլ նաև՝ Ջեյդոն Սանչոյին:

Ինչպես տեղեկացնում է France Football-ը, «Մանչեսթեր Յունայթեդը», որն ամռանը փորձում էր գնել անգլիացուն, կրկին ակտիվացրել է իր հետաքրքրությունը Սանչոյի նկատմամբ: Աղբյուրի փոխանցմամբ՝ «կարմիր սատանաները» ամառային տրանսֆերային պատուհանի ժամանակ 120 միլիոն եվրո կառաջարկեն դորտմունդցիներին: «Բորուսիան» էլ, իր հերթին, արդեն փոխարինող է փնտրում Սանչոյին, և տարբերակներից մեկը «Շտուտգարտի» 20-ամյա ֆուտբոլիստ Տանգայ Կուլիբալին է:

Սանչոն ընթացիկ մրցաշրջանում անցկացրած 20 խաղում դարձել է 6 գոլի հեղինակ:

Միացի՛ր հայկական ամենասպորտային Instagram-ին: