Աքսելերատոր #5-ը մեկնարկում է հեռավար դասընթացներ՝ կանանց և աղջիկների համար - VNews
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

Աքսելերատոր #5-ը մեկնարկում է հեռավար դասընթացներ՝ կանանց և աղջիկների համար

5d19f4d37cbf17.68809902 - Աքսելերատոր #5-ը մեկնարկում է հեռավար դասընթացներ՝ կանանց և աղջիկների համար

Աքսելերատոր #5 ծրագիրը մեկնարկում է հեռավար դասընթացներ, որոնց կարող են մասնակցել 15 տարեկանից բարձր աղջիկները եւ կանայք:

Նրանք հնարավորություն կունենան մասնակցելու առցանց տեխնոլոգիական եւ բիզնես ուղղվածության դասընթացների, հանդիպելու ոլորտի փորձագետների հետ, ձեռնարկատիրական դասընթացների ընթացքում զարգացնելու իրենց սեփական գաղափարները:

Ծրագիրը կմեկնարկի 2 զուգահեռ խմբերով՝ Բիզնես եւ Տեխնոլոգիական: Նշվում է, որ դասընթացներին կարող են մասնակցել բոլորը՝ ACC#5 առցանց հարթակում:

Ծրագիրը բաղկացած է 2 փուլից․ առաջին փուլը նախատեսված է բոլոր 300 մասնակիցների համար, իսկ երկրորդ փուլը՝ առաջին փուլը հաղթահարած 30-40 մասնակիցների համար:

Հայտը կարելի է լրացնել այստեղ: Մասնակցությունն անվճար է և առաջնահերթությունը տրվելու է սոցիալապես խոցելի խմբի անդամներին։

Նշենք, որ Աքսելերատոր #5-ն իրականացվում է ՄԱԿ-ի Զարգացման ծրագրի հայաստանյան գրասենյակի ImpactAIM աքսելերատորի, Նորարարական լուծումների եւ տեխնոլոգիաների կենտրոնի, Ձեռնարկությունների ինկուբատոր հիմնադրամի, Հայ-հնդկական ՏՀՏ գերազանցության կենտրոնի, Հայաստանի ԿԶՆ նորարարության ազգային լաբորատորիայի եւ ՅՈՒՆԻՍԵՖ-ի հայաստանյան գրասենյակի հետ համատեղ: