Բարձր տեխնոլոգիաների միջոցով մարզերի զարգացման ծրագիրն ընդլայնվում է - VNews

Բարձր տեխնոլոգիաների միջոցով մարզերի զարգացման ծրագիրն ընդլայնվում է

Գյումրիի Տեղեկատվական Տեխնոլոգիաների կենտրոնի կողմից Հայ Օգնության Ֆոնդի աջակցությամբ, Վայոց Ձորի և Տավուշի մարզերում 2019թ. գարնանը մեկնարկել են տեխնոլոգիական կրթական ծրագրեր, իսկ դրական արդյունքների շնորհիվ ծրագիրը Հոկտեմբերին կմեկնարկի նաև Արագածոտնի մարզում:

«Ծրագրի արդյունքներն աննախադեպ են: Ունենք մոտ 70 ուսանող յուրաքանչյուր մարզում և ավելի քան 150 դիմորդ: Ցավոք մարզերում կրթական հաստատություններում առկա պայմանները թույլ չեն տալիս, որպեսզի ծրագրին մասնակցեն ավելի մեծ թվով ուսանողներ: Պետք է փաստեմ, որ Վայոց Ձորում Հայաստանի Պետական Տնտեսագիտական Համալսարանի մասնաճյուղում և Տարածաշրջանային Պետական քոլեջում, Տավուշում՝ ԵՊՀ մասնաճյուղում համակարգչային լսարանները ոչ բավարար հագեցվածություն ունեն և ոչ էլ ենթակառուցվածքներ, սակայն մեզ համար կարևոր է այս ծրագիրն իրականացնել հենց մարզերում առկա ուսումնական հաստատությունների ներսում:

Այս փուլում ցանկանում ենք, որ ծրագրի մասին տեղեկությունները հասնեն հատկապես մարզերի երիտասարդներին և նրանց, ովքեր մարզերից եկել են Երևան սովորելու, բայց աշխատելու հեռանկարի դեպքում դեմ չեն լինի վերադառնալ հայրենի մարզ և աջակցել մեզ՝ ծրագրի իրականացման գործընթացում»,- ասել է ԳՏՏԿ տնօրեն,  Ձեռնարկությունների Ինկուբատոր Հիմնադրամի մարզերում տեխնոլոգիաների զարգացման ծրագրի ղեկավար Ամալյա Եղոյանը:

Նրա խոսքով, ծրագրի շրջանակում դասավանդում են Երևանի լավագույն տեխնոլոգիական ընկերությունների աշխատակիցները: Այս ամենին զուգահեռ՝ կազմակերպիչները նպատակ ունեն բանակցել Երևանի և արտերկրի ընկերությունների հետ, որպեսզի վերջիններս դիտարկեն մարզերում ծրագրին մասնակցող հեռանկարային մասնագետներին, որպես պոտենցիալ կադրեր, հենց մարզում գործունեություն ծավալելու համար։

Կազմակերպիչների խոսքով, կարևորվում են նաև տեղական ընկերությունների ձևավորումը, ինչը բավական լուրջ և հեռանակարային քայլ է մարզերի հզորացման համար: Այս տարի  Ձեռնարկությունների Ինկուբատոր Հիմնադրամը Հայաստանի Հանրապետության կառավարության և Համաշխարհային Բանկի աջակցությամբ հայտարարեց Մարզային համաֆինանսավորվող դրամաշնորհներ հատուկ պայմաններով միայն մարզերում գործունեություն ծավալող ընկերությունների համար:

Նշենք, որ ԳՏՏԿ-ը հիմնադրվել է 2005թ. Գյումրիում ՀՕՖ-ի և Ձեռնարկությունների Ինկուբատոր Հիմնադրամի կողմից մի շարք ամերիկահայ բարերարների աջակցությամբ:  Այսօր ՁԻՀ-ի կողմից  Գյումրիում ու Վանաձորում գործում և բազում հաջողություններ են գրանցել ու գրանցում տեխնոլոգիական Կենտրոնները, ինչն էլ գրավականն է այն բանի, որ այս ոլորտի ապակենտրոնացմամբ հնարավոր է երկրի հավասարաչափ զարգացում, արտագաղթի կանխում և ուղեղների շնորհիվ աշխատատեղերի ստեղծում:


Ձեռնարկությունների ինկուբատոր հիմնադրամի մրցույթի հայտերի ընդունման վերջնաժամկետը երկարացրել է

AITC կենտրոնի առցանց դասերը կարանտինի օրերին կօգնեն ձեռք բերել նոր մասնագիտացում

Հայաստանի պատվիրակությունը Տոկիոյում մասնակցել է World Smart Energy Week-ին

Հայաստանի պատվիրակությունը Վարշավայում մասնակցել է Perspektywy Women in Tech Summit 2019-ին

Ինքնավար մեքենաների համար հայկական ընկերության մշակած լուծումը դուրս է գալիս միջազգային շուկա

Ձեռնարկությունների ինկուբատոր հիմնադրամը մասնակցել է Շանհայի «Փուցզյան» ինովացիոն համաժողովին

Ամփոփվել է Հայաստանում զբոսաշրջության զարգացմանն ուղղված նորարար գաղափարների մրցույթը

Ձեռնարկությունների Ինկուբատոր Հիմնադրամի պատվիրակության այցը Սան Ֆրանցիսկո (լուսանկարներ)

ԵՊՀ-ի և Սան Խոսեի պետական համալսարանի դասախոսները համատեղ կրթական ծրագիր են մշակում

Պոլիտեխնիկական համալսարանը և Ռատգերսի համալսարանը կհամագործակցեն

Ձեռնարկությունների Ինկուբատոր Հիմնադրամը ու Ռուանդայի Smart Africa կենտրոնը կհամագործակցեն

Հայաստանն ու Եթովպիան կհամագործակցեն բարձր տեխնոլոգիաների ոլորտում

Տավուշի մարզում ՏՏ ոլորտի զարգացմանը միտված կրթական ծրագիր է մեկնարկում

Վայոց Ձորի մարզում ՏՏ ոլորտի զարգացմանը միտված ծրագիր է մեկնարկում

Հայտնի են STEP ծրագրի «Գաղափարից դեպի բիզնես» մրցույթի հաղթղները

Եվս մեկ միջազգային ինժեներական ընկերություն մուտք գործեց Հայաստան