Դուբայի ոստիկանությունը Tesla-ի Cybertruck պիկապներ կգնի պարեկության համար - VNews
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

Դուբայի ոստիկանությունը Tesla-ի Cybertruck պիկապներ կգնի պարեկության համար

Դուբայի ոստիկանությունը կգնի Իլոն Մասկի օրերս ներկայացրած Cybertruck պիկապներ, որոնք պարեկություն կանեն քաղաքի զբոսաշրջային շրջաններում։ Այս մասին հայտնում է Arabian Business-ը՝ հղում կատարելով ոստիկանական դեպարտամենտի Twitter-յան էջին։

 

Որքան մեքենա են ցանկանում գնել և հատկապես երբ դրանք կներգրավվեն փողոցների հսկման գործընթացում դեռ չի հաղորդվում։ Արաբական Միացյալ Էմիրությունների մայրաքաղաքի Ճանապարհատրանսպորտային ոստիկանության մեքենաների պարկը աշխարհում ամենաթանկերից մեկն է։ Այնտեղ կան Lamborghini, Bugatti և Mercedes-AMG մակնիշների մեքենաներ։

Նշենք, որ ամերիկյան Tesla ընկերությունը, որն աշխարհում էլեկտրամեքենաների խոշորագույն արտադրողներից է, ներկայացրել է իր նոր արտադրանքը՝ Cybertruck էլեկտրական պիկապը Նոյեմբերի 21-ին: Միջոցառումն ուղիղ հեռարձակմամբ ներկայացվել է ընկերության պաշտոնական կայքում: «Այն եզակի է»,- ասել է ընկերության գլխավոր տնօրեն Իլոն Մասկը ֆուտուրիստական ավտոմեքենան ներկայացնելիս:

Մասկի խոսքով՝ նոր պիկապը ֆունկցիոնալ հատկանիշներով նման է լինելու Ford F-150 բենզինային մոդելին: Մասկը նշել է, որ ավտոմեքենան նախագծելիս ոգեշնչվել է Blade Runner գիտաֆանտաստիկ ֆիլմից, որի գործողությունները տեղի են ունենում 2019-ի նոյեմբերին:

Նա նաև նշել է, որ պիկապը բառացիորեն անխոցելի է, քանի որ նրա դռները նույն նյութից են պատրաստված, ինչ SpaceX տիեզերական հրթիռներինը: Մեքենան արտադրվելու է երեք տարբերակով՝ մեկ լիցքով 400, 480 ու 800 կիլոմետր ընթացքով։ Տարբերակները տարբերվում են նաև շարժիչների քանակով՝ մեկից երեք։

Պիկապի արժեքը սկսվում է 39 900 դոլարից։ Ամենաթանկ մոդելի գինը կսկսվի 69 990 դոլարից:

Պիկապի հետ միասին Մասկը ներկայացրել է նաև էլեկտրական քվադրոցիկլ։ Այն կարող է տեղավորվել Cybertruck-ի թափքում ու լիցքավորվել դրանից։ Էլեկտրական պիկապի նախնական պատվերներն արդեն ընդունվում են, սակայն արտադրությունը կսկսվի 2021-ին։

Ընթերցեք նաև՝ 

Մանկական խզբզո՞ց, հին խաղերի 3D մոդե՞լ, թե Cybertruck (լուսանկարներ)

Tesla-ն ծրագրում է դիմապակու մաքրիչները փոխարինել լազերներով

Հայ-վրացական սահմանի անցակետի մոտ տեղադրվել է Tesla էլեկտրամեքենաների լիցքավորիչ


Ամերիկուհին ստանում է Իլոն Մասկին ուղղված նամակներ. Ինչպես է դա հնարավոր

Ինչ անուն կունենայիք, եթե ձեր հայրը լիներ Իլոն Մասկը

Ամեն ինչ՝ մեկ դերի համար. Թոմ Քրուզը SpaceX հրթիռով կթռչի տիեզերք

«Եթե ձերբակալելու են ինչ-որ մեկին, թող լինեմ միայն ես». Իլոն Մասկը բացել է Tesla-ի գործարանը

Իլոն Մասկը վերջապես բացահայտել է որդու անսովոր անվան արտասանությունը

Իլոն Մասկը խոստացել է չիպավորել մարդկանց արդեն 2020-ին

Գլուխկոտրուկ․ Իլոն Մասկը հայտնել է նորածին որդու անունը

Իլոն Մասկը հայր է դարձել 6-րդ անգամ

Ինչպիսին կլինի Cybertruck պիկապի սերիական տարբերակը

Tesla-ի 8 մոդել, որոնք զարմացրել են աշխարհին

Boeing-ի, Tesla-ի և SpaceX-ի գաղտնի փաստաթղթերը հայտնվել են համացանցում

Tesla-ի պահեստամասերից արհեստական շնչառության սարքեր կպատրաստվեն (տեսանյութ)

Tesla-ի գործարանները պատրաստ են բժշկական սարքավորումներ արտադրել կորոնավիրուսով հիվանդների համար

Teslan-ն սկսել է Model Y էլեկտրոքրոսովերի մատակարարումները

ԱՄՆ իշխանությունները զգուշացրել են Իլոն Մասկին

Գիրք, որը ոգեշնչել է Իլոն Մասկին ստեղծել SpaceX-ը