Թայբեյցի գիտնականների հետ համատեղ կմշակվեն խելացի տեխնոլոգիաներ՝ գյուղատնտեսության համար - VNews

Թայբեյցի գիտնականների հետ համատեղ կմշակվեն խելացի տեխնոլոգիաներ՝ գյուղատնտեսության համար

Առաջատար տեխնոլոգիաների ձեռնարկությունների միության նախագահ Ալեքսանդր Եսայանի հրավերով մարտի 24-ին Հայաստան է ժամանել Թայբեյի առաջատար հետազոտական կենտրոններից մեկի՝ National Chiao Tung համալսարանի պատվիրակությունը։ Թայբեյի գիտնականներն ու հետազատողները ծանոթացել են հայաստանյան գյուղատնտեսության ներուժին, քննարկել խելացի գյուղատնտեսության տեխնոլոգիաների համատեղ մշակման ծրագրեր։

Համալսարանի փոխնախագահ Դոկտոր Ջեյսոն ՅԻ-Բինգ Լինի գլխավորած պատվիրակության կազմում են եղել խելացի գյուղատնտեսության ոլորտում մասնագիտացած պրոֆեսորներ ու հետազոտողներ։

«Թայբեյը նույնպես սահմանափակ հողատարածքներ ունի, հետևաբար նույնպես միավոր հողատարածքից ստացվող բերքատվության որակի ու ծավալի բարձրացման խնդիր ունի։ Մեր մասնագետներին ներկայացված նոր տեխնոլոգիան զարգացնելու նպատակով համատեղ ներդրումային ծրագրի շուրջ քննարկում է սկսվել, որը հաջող իրականացման դեպքում ոչ միայն երկու երկրների գյուղատնտեսության զարգացմանը կնպաստի, այլ նաև աշխարհին կարող է ներկայացնել խելացի գյուղատնտեսության նոր տեխնոլոգիա»,- նշել է Առաջատար տեխնոլոգիաների ձեռնարկությունների միության նախագահ Ալեքսանդր Եսայանը։

«Այս հանդիպումը համահունչ է համալսարանի զարգացման տեսլականին, որի միջնաժամկետ ռազմավարության առանցքային դրույթ է համալսարանի վերակազմավորումը «ագրարայինից» «ագրոգտեխնոլոգիականի»։ Սրա հիմքում նաև գիտաուսումնական կառույցների և նորարարական լաբորատորիաների ստեղծումն է։ Մենք համոզված ենք, որ գյուղատնտեսության զարգացման, մրցունակության և արդյունավետության բարձրացման համար անհրաժեշտ է ավանդականից անցում կատարել դեպի նորարարական տեխնոլոգիաներ։ Այս աշխատանքներում առանցքային նշանակություն ունեն կրթական և գիտական կառույցները, ուստի աշխարհում առաջատարի համբավ ունեցող գիտնականների հետ հանդիպելու այս առիթը լավագույն փորձը Հայաստանում հասանելի դարձնելու հնարավորություն է»,- նշել է Հայաստանի ազգային ագրարային համալսարանի հոգաբարձուների խորհրդի նախագահ Արմեն Հարությունյանը։

Կազմակերպվել է նաև հանդիպում Հայաստանի ազգային ագրարային համալսարանի ղեկավար կազմի հետ՝ հոգաբարձուների խորհրդի նախագահ Արմեն Հարությունյանի գլխավորությամբ։ Երկու համալսարանների ներկայացուցիչները քննարկել են թայվանցի գիտնականների մշակած տեխնոլոգիաները համատեղ զարգացնելու և գյուղատնտեսությունում կիրառելու ծրագրեր։


«Արմաթը» դիմավահաններ է տրամադրել շուրջ 50 բուժհաստատության

Այլ երկրներ օգտագործում են այն մոդելը, որը մշակվել է Հայաստանում. Կարեն Վարդանյան

Forbes-ն անդրադարձել է Հայաստանի տեխնոլոգիական հեռանկարին

Փետրվարին կբացվի առաջին «Արմաթ» լաբորատորիան Հնդկաստանում

Աղվերանում կայացել է «ՏՀՏ լիդերների հանդիպում» ֆորումը

Նոր իրավիճակը նոր ռազմավարություն է պահանջում. Կարեն Վարդանյան

Շիրակի մարզի բոլոր դպրոցներում կան «Արմաթ» լաբորատորիաներ

Վերջին հինգ օրում բացվել է 57 «Արմաթ» լաբորատորիա

BIF 2019. Դիլիջանում անցկացվեց 7-րդ ամենամյա Բիզնես ինովացիոն ֆորումը

BIF 2019-ը արդյունաբերական հեղափոխության ինովացիոն ուղիներին նվիրված կլինի

41 թիմ կպայքարի Robotex Armenia-ի գլխավոր մրցանակի համար

Robotex միջազգային մրցույթը Երևանում տեղի կունենա նոյեմբերի 9-ին

Արմաթն ամփոփել է «IT շաբաթվա» նվաճումները

Ամփոփվել են հոբելյանական 15-րդ ԴիջիԹեքի արդյունքները

ՏՏ համաշխարհային կոնգրեսի պատվիրակները պարբերաբար կայցելեն ԴիջիԹեք

«Արմաթ» տեխնոճամբարին մասնակցել է ավելի քան 400 դպրոցական