Կայք, որ կօգնի հաղթահարել կարանտինային սթրեսը - VNews

Կայք, որ կօգնի հաղթահարել կարանտինային սթրեսը

Կարանտինային իրավիճակում, շատերս հակված ենք սթրեսի, ինչը կարող է լուրջ հոգեբանական խնդիրների հանգեցնել։ «Հայ Հոգեբաններն ընդդեմ COVID19-ի» նախագիծը ստեղծվել է համավարակի ընթացքում հոգեբանական աջակցության կարիք ունեցող մարդկանց օգնելու համար։ Կայքի միջոցով յուրաքանչյուրը կարող է ստանալ անվճար հոգեբանական խորհրդատվություն ոլորտի լավագույն մասնագետների կողմից։

VNews – Business and Tech-ին նախագծի հեղինակ Շողեր Աթանեսյանը պատմել է կայքի ստեղծման ու աշխատանքի սկզբունքների մասին:

«Խորհրդատվությունն իրականացվելու է հեռահար կերպով, գրանցումը տեղի է ունենալու կայքի միջոցով, որը շատ պարզ և հանրամատչելի է կազմված՝ հարկավոր է ընտրել որ խմբին է պատկանում շահառուն, ապա պետք է ընտրի, թե որ մասնագետի մոտ է ցանկանում գրանցվել, ստուգի արդյոք կան ազատ ժամեր, որոնք իրեն հարմար են և գրանցվի։ Խորհրդատվությունը տևելու է 1 ժամ»,- նշում է Շողերը։

Հոգեբանական խորհրդատվությունն իրականացվելու է մի քանի ուղղություններով:

  • Խորհրդատվություն առողջապահական ոլորտի մասնագետների համար. լինելով համաճարակի դեմ տարվող պատերազմի առաջնագծում՝ առողջապահության ոլորտի մասնագետները երբեմն դժվարությամբ են կարողանում միայնակ հաղթահարել սթրեսը:
  • Սթրեսի և անելանելիության հաղթահարում. եթե անձը հիվանդացել է կամ կասկածվում է հիվանդությունը, եթե ռիսկային գոտում է կամ մեկուսացման մեջ, ապա շատ հավանական է, որ նրան կհամակի ընկճվածության, անորոշության կամ անելանելիության զգացողությունները:
  • Միջանձնային հարաբերություններ. մեկուսացումը կարող է վեր հանել խնդիրներ, որոնք առօրյա կյանքում հնարավոր էր անտեսել եւ ապրել բնականոն կյանքով՝ պատճառ դառնալով լարված հարաբերությունների բարեկամների, ծանոթների, ընկերների հետ:
  • Ընտանեկան խորհրդատվություն. տանը մեկուսացումը կարող է դառնալ լարված եւ կոնֆլիկտային իրավիճակների անվերջ շղթա զույգի մոտ:
  • Կանանց հանդեպ բռնություն. մեկուսացումը կարող է հանգեցնել ընտանեկան բռնության աճի, նույնիսկ եթե նախկինում բռնության դրսևորումներ չեն եղել:
  • Երեխաներին խորհրդատվություն. երեխաները հետեւում են մեծահասակների պահվածքին հասկանալու համար ինչպես կառավարել իրենց հույզերը դժվար պահերին, եթե ընտանիքում սթրեսային իրավիճակ է այն միանգամայնորեն ազդում է երեխայի վրա:

Շողերի խոսքով՝ նշված յուրաքանչյուր խմբի համար ընտրվել է համապատասխան մասնագետ, ովքեր լավագույններից են իրենց ոլորտում.

«Ավելի քան 30 հոգեբան ներգրավված են այս նախագծի մեջ, ովքեր ներկայանում են ինչպես անհատ, այնպես էլ որեւէ թիմի անդամ։ Նրանք բոլորը մեծ պահանջարկ վայելող և բազմազբաղ մասնագետներ են, սակայն պատրաստակամորեն համաձայնվեցին իրենց օժանդակությունը տրամադրել համաճարակի ընթացքում սթրեսային իրավիճակների նվազեցման համար»։

Հոգեբանների հետ կարելի է ծանոթանալ նորաստեղծ կայքում, ընդամենը հարկավոր է ընտրեով Ձեզ անհրաժեշտ ուղղությունը, գրանցվել և ստանալ հոգեբանական խորհրդատվություն:


Reebok-ը ստեղծել է տեխնոլոգիական դիմակներ՝ սպորտով զբաղվելու համար

Ներկայացվել է նոր հակավիրուսային կոստյում՝ մաքսիմալ պաշտպանությամբ

Հեռավար կրթությունը Հայաստանում. e-school Armenia-ի հաջողությունը (տեսանյութ)

«Եթե ձերբակալելու են ինչ-որ մեկին, թող լինեմ միայն ես». Իլոն Մասկը բացել է Tesla-ի գործարանը

Կորոնավիրուսի նոր թեստը 15 րոպեում ստուգում է հիվանդության առկայությունը

ՏՏ ոլորտի աջակցության համար կկտրամադրվեն 10-30 մլն դրամի դրամաշնորհներ

Ֆրանսիացիները ավելի քան 10 մլն լիտր գարեջուր կոչնչացնեն

Ինչ տեսք ունեն օդանավակայանները թռչնի թռիչքի բարձրությունից

Apple-ն ու Google-ը չեն կարողանա հետևել մարդկանց

98-ամյա կինը Youtube-ի օգնությամբ ավելի քան 1.2 մլն ռուբլի է հավաքել բժիշկների համար

Դպրոցականները 1․1 մլն դոլար արժողությամբ 46 մեքենա են գողացել կարանտինի ընթացքում

Երկրին մոտենում է «պաշտպանիչ դիմակով երկնաքար»․ գիտնականներ

Սմարթֆոնների շուկան 2020թ․ զգալիորեն կկրճատվի

Բիլ Գեյթսը՝ կարանտինից դուրս գալու վտանգների և պատվաստանյութի մասին

Facebook-ը News Feed-ում նախազգուշացնող հրապարակումներ կանի

Թիմ Քուկը՝ Apple-ի ճակատագրի մասին