Հայաստանը միասնական տաղավարով կմասնակցի ExpoElectronica ամենամյա ցուցահանդեսին - VNews

Հայաստանը միասնական տաղավարով կմասնակցի ExpoElectronica ամենամյա ցուցահանդեսին

news158253293775101elexp - Հայաստանը միասնական տաղավարով կմասնակցի ExpoElectronica ամենամյա ցուցահանդեսին

Հայաստանը միասնական տաղավարով կմասնակցի ExpoElectronica ամենամյա էլեկտրոնային բաղկացուցիչների, մոդուլների և հավաքածուների ցուցահանդեսին։ ՀՀ բարձր տեխնոլոգիական արդյունաբերության նախարարությունը հայտարարում է Մոսկվայում ապրիլի 14-ից 16-ը կայանալիք ExpoElectronica ամենամյա էլեկտրոնային բաղկացուցիչների, մոդուլների և  հավաքածուների ցուցահանդեսի մասնակցության հայտադիմումների ընդունման մասին:

Ցուցահանդեսի թեմաների մասին առավել մանրամասն տեղեկատվություն ստանալու համար խնդրում ենք անցնել հետևալ հղումով․ www.expoelectronica.ru

Բարձր տեխնոլոգիական արդյունաբերության նախարարության պատվիրակությունը մասնակցելու է ExpoElectronica ցուցահանդեսին և թույլ կտա պատվիրակության կազմում ընդգրկված 7 ընկերության ներկայանալ «Armenia» միասնական տաղավարով:

ՀՀ բարձր տեխնոլոգիական արդյունաբերության նախարարությունը ապահովելու է յուրաքանչյուր ընկերությունից մեկ ներկայացուցչի գիշերակացը և տաղավարում ներկայացվածությունը, մնացյալ ծախսերը կհոգան ընտրված ընկերությունները:

Հայտադիմումները լրացնելու համար խնդրում ենք անցնել հետևյալ հղումով․ ExpoElectronica Application Form

Հայտադիմումների լրացման վերջնաժամկետն է մարտի 16-ը: Լրացուցիչ տեղեկությունների կամ հարցերի համար կարող եք գրել [email protected].am  էլ. հասցեին: