Հայաստանը` որպես բլոկչեյնի զարգացման կենտրոն. Swiss Blockchain Leadership Summit - VNews
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

Հայաստանը` որպես բլոկչեյնի զարգացման կենտրոն. Swiss Blockchain Leadership Summit

BSL 1 - Հայաստանը` որպես բլոկչեյնի զարգացման կենտրոն. Swiss Blockchain Leadership Summit

Նոյեմբերի 23-24-ին Շվեյցարիայի Բազել քաղաքում կայացավ  Swiss Blockchain Leadership Summit համաժողովը: Միջոցառումը միավորում էր 2000-ից ավելի մասնակիցների, այդ թվում` քաղաքական առաջնորդների, ֆինանսական և տեխնոլոգիական ընկերությունների ղեկավարների, մտավորականների, կարգավորող մարմինների, և այլն: Քննարկումների կիզակետում էին բլոկչեյն տեխնոլոգիայի ապագա զարգացումն ու նրա սոցիալ-տնտեսական ազդեցությունը:

VNews – Business and Tech-ին Nooor բլոկչեյնի հայկական ասոցիացիայից հայտնեցին, որ իրենց  թիմը նույնպես մասնակցել է Swiss Blockchain Leadership Summit-ին՝ ներկայացնելով Հայաստանում բլոկչեյնի զարգացման հեռանկարները, ռեսուրսները, մասնագիտական ներուժը, ինչպես նաև տեխնոլոգիայի օրենսդրական կարգավորման նախադրյալներն ու մարտահրավերները։

Նոյեմբերի 23-ին Nooor-ի նախագահ Վիգեն Առուշանյանը հանդես է եկել անհատական ելույթով, այնուհետև Bosch, IBM, S7 Airlines ընկերությունների, ինչպես նաև Ռոտերդամի նավահանգստի ներկայացուցիչների հետ մասնակցեց բլոկչեյնի` իրական հատվածում կիրառությունների վերաբերյալ քննարկմանը:

«Նմանատիպ միջոցառումներին մասնկացությունը մեր մշտական օրակարգում է, ինչը հնարավորություն է ընձեռում ներկայացնելու Հայաստանի ներուժը՝ որպես գիտելիքի կենտրոն և ընդգծելու երկրի առանցքային դերն ու նշանակությունը տարածաշրջանում բլոկչեյն տեխնոլոգիայի զարգացման հարցում։ 2019 թվականը մեր երկրում ոլորտի համար առանձնահատուկ ակտիվ եմ կանխատեսում», – ասել է Առուշանյանը:

46937171 563043607478520 4909268290729148416 o 960x640 - Հայաստանը` որպես բլոկչեյնի զարգացման կենտրոն. Swiss Blockchain Leadership Summit

Համաժողովի երկրորդ օրը՝ նոյեմբերի 24-ին, «Next Industrial Revolution» խորագրով պանելային քննարկման ընթացքում նա իր տեսակետն է ներկայացրել զարգացող տնտեսություններում բլոկչեյն տեխնոլոգիայի ներդրման, նոր շուկաների ձևավորման հնարավորությունների մասին։ Քննարկման խոսնակների շարքում էին նաև Էսկո Ահոն (Ֆինլանդիայի նախկին վարչապետ), Բեն Բաներջին (InnMind, Շվեյցարիա) և Ասիլբեկ Դավլետովը (Աստանա Ֆինանսական Կենտրոն, Ղազախստան):

Իսկ միջոցառման շրջանակում կայացած ստարտափների` ներդրողներին ներկայացման մրցույթի արդյունքում էլ հաղթող է ճանաչվել հայկական CryptoNDX նախագիծը, որը ներկայացնում էր ընկերության ղեկավար Արթուր Ասլանյանը։ Ստարտափի հաղթանակը հիմնավորեց բլոկչեյն տեխնոլոգիայով աշխատող հայկական նախագծերի մրցունակությունը միջազգային հարթակում։

 


97 մլն դոլար պիցցայի համար և պիցցա giveaway Հայաստանում

The Blockchain Challenger ծրագիրն ընդունում է մասնակցության հայտեր

Nooor-ի հետ ամփոփում ենք ChainPoint 19-ի արդյունքները (տեսանյութ)

Երևանում կայացավ ChainPoint 2019 բլոկչեյն համաժողովը (տեսանյութ)

The Blockchain Challenger կրթական ծրագիրն ընդունում է հայտեր

ChainPoint 2018. կայացավ տարածաշրջանի խոշոր բլոկչեյն համաժողովը (տեսանյութ)

Nooor Բլոկչեյնի հայկական ասոցիացիան և տարածաշրջանում ամենանշանակալի բլոկչեյն կոնֆերանսը

Ի՞նչ սպասել կրիպտոարժույթների շուկայից

Երևանում կանցկացվի բլոկչեյն լուծումներով ընտրություններին նվիրված հաքաթոն

Հայաստանը ներկայացվել է Բլոկչեյնի և կրիպտոարժույթների համաշխարհային գագաթնաժողովին

Երևանում կքննարկվի բլոկչեյնի միջոցով առաջիկա ընտրություններն անցկացնելու հարցը

Nooor Բլոկչեյնի հայկական ասոցիացիայի առաջարկը Նիկոլ Փաշինյանին

Երևանում կայացել է «Հայկական բլոկչեյն» առաջին միջազգային համաժողովը

Հայաստանում նախատեսվում է ստեղծել աշխարհի ամենամեծ մայնինգ ֆերման

Երևանում առաջին անգամ կանցկացվի Armenian Blockchain Forum