Հայաստանում 3-րդ անգամ կանցկացվի ԱրմՀայԹեք 2020 միջազգային ցուցահանդեսը - VNews
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

Հայաստանում 3-րդ անգամ կանցկացվի ԱրմՀայԹեք 2020 միջազգային ցուցահանդեսը

29749719 10155243148286479 8777370537848710349 o - Հայաստանում 3-րդ անգամ կանցկացվի ԱրմՀայԹեք 2020 միջազգային ցուցահանդեսը

Հայաստանում երրորդ անգամ կանցկացվի «ԱրմՀայԹեք 2020» սպառազինության և պաշտպանական տեխնոլոգիաների միջազգային ցուցահանդեսը, որը տեղի կունենա մարտի 26-28-ն ընկած ժամանակահատվածում և կներառի գործարար համաժողով, շնորհանդեսներ, բիզնես հանդիպումներ:

Ցուցահանդեսի շրջանակներում մեկ հարկի տակ կմիավորվեն 20 երկրի ռազմարդյունաբերական և պաշտպանական տեխնոլոգիաների արտադրությամբ զբաղվող 100-ից ավելի միջազգային ընկերություններ, բարձրաստիճան պաշտոնյաներ եւ ոլորտի ներկայացուցիչներ:

ՀՀ բարձր տեխնոլոգիական արդյունաբերության եւ պաշտպանության նախարարությունների կողմից համատեղ անցկացվող այս նախաձեռնության շրջանակում կստեղծվի հարթակ նոր համագործակցությունների, փորձի փոխանակման, արտադրանքի ներկայացման եւ նոր շուկաների բացման համար:

«ԱրմՀայԹեք 2020»-ի գլխավոր ուղղություններն են՝

  • կառավարման համակարգերը, կապի եւ հաղորդակցության միջոցները,
  • զորքերի ավտոմատ կառավարման համակարգերը,
  • անօդաչու թռչող սարքերը եւ թռչող համակարգերը,
  • լազերային տեխնոլոգիաները և արդի այլ թեմաներ: