Հայկական Krisp և Facehub հավելվածների հաղթարշավը Product Hunt-ում

Հայերի ստեղծած 2Hz ստարտափի մշակած Krisp հավելվածը ճանաչվել է Product Hunt-ի «Golden Kitty» մրցույթի հաղթող՝ «2018թ․ լավագույն աուդիո և ձայնային արտադրանք» անվակարգում։ Krisp-ը բացառիկ ծրագիրը, որը վերացնում է շրջապատի աղմուկն՝ օգտագործելով նեյրոնային ցանցերը։ Ստարտափի ստեղծման պատմությանը կարող եք ծանոթանալ այստեղ։ 

Մեկ այլ հայկական հավելված՝ Facehub-ը «2018թ․ Արհեստական բանականության և մեքենայական ուսուցման լավագույն արտադրանք» անվանակարգում լավագույն եռյակում է ընդգրկվել։

Facehub ստարտափն աշխարհում առաջինն է մշակել հատուկ տեխնոլոգիա, որը թույլ է տալիս սովորական սմարթֆոնով դեմքի արտահայտությունները արտապատկերել այլ դեմքերի վրա՝ օգտագործելով մեքենայական ուսուցման ալգորիթմները։ Facehub-ն առաջարկում է  Apple-ի մշակած Face ID համակարգի Animoji-ների և Samsung-ի AR Emoji-ների այլընտրանքը։ Օգտատերերը կարող են ցանկացած iPhone-ով անիմացնել ցանկացած լուսանկար։ Ստարտափի հիմնադիր Գարիկ Ավետիսյանի հետ VNews – Business and Tech-ի բացառիկ հարցազրույցը կարող եք կարդալ այստեղ։

«Golden Kitty» մրցույթի հաղթողների ամբողջական ցանկը հասանելի է այստեղ։

Ընթերցեք նաև՝ 

2Hz հայկական ստարտափն աղմուկը վերացնում է AI-ի օգնությամբ (տեսանյութ)

SmartgateVC-ն ներդրում է կատարել հայկական 2Hz և XCloud Networks ստարտափներում

Հայկական ստարթափը ԱՄՆ-ում մեծ հաջողություն է գրանցել

Հայկական Facehub-ն իրական ժամանակում ձեր միմիկաները փոխանցում է նկարներին

SmartGateVC-ն ներդրում է կատարել հայկական Facehub ստարտափում