Հայկական SuperAnnotate AI-ն առաջարկում է նկարների մշակման բացառիկ տեխնոլոգիա (տեսանյութ)

Տիգրան և Վահան Պետրոսյանները ստեղծել են նկարների մշակման և սեգմենտացիայի բացառիկ տեխնոլոգիա՝ հիմնված Արհեստական բանականության և մեքենայական ուսուցման վրա։

SuperAnnotate AI-ի մշակած լուծումը միլիոնավոր դոլարներ խնայելու հնարավորություն կարող է տալ պոտենցիալ հաճախորդներին՝ Google-ի, Facebook-ի, Uber-ի նման ընկերություններին, որոնք գործ ունեն ինքնավար ավտոմեքենաներից, արբանյակներից, դրոններից և այլ մեթոդներով ստացվող նկարների հոսքերի հետ։

Համակարգը հիմնված է արհեստական ինտելեկտի վրա, այն սկսել է կլաստերացման ալգորիթմով, հետո նկարների վրա կիրառվելով զարգացել է նկարների սեգմենտացիայի ուղղությամբ։ Նոր ալգորիթմ են մշակել, ինչի հիման վրա էլ ստեղծում են իրենց գործիքակազմը։ Մեկ տարի առաջ ստեղծված ստարտափի թիմում արդեն ընդգրկված է  50 հոգի, փնտրում են նոր մասնագետների՝ թիմն ընդլայնելու համար։

Եղբայր համահիմնադիրները պատմում են Շվեդիայից ու Շվեյցարիայից իրենց վերադարձի, ամեն ինչ թողնելու ու Հայաստանում ընկերություն հիմնելու մասին։