Նախագահ Սարգսյանը տեսակապով զրույց կունենա հայկական ստարտափ էկոհամակարգի հետ

«Ստարտափ Արմենիա» հիմնադրամի նախաձեռնությամբ հայկական ստարտափ էկոհամակարգը բացառիկ հնարավորություն կունենա տեսակապի միջոցով զրուցելու ՀՀ նախագահ Արմեն Սարգսյանի հետ։ Զրույցի ժամանակ նախագահը կանդրադառնա վերջին շրջանում աշխարհում և Հայաստանում նոր կորոնավիրուսով պայմանավորված իրավիճակին ստարտափների տեսանկյունից։

– Ի՞նչ նոր խնդիրներ են առաջ գալիս, որոնք կարիք կունենան ստարտափային լուծումների։

– Ինչպիսի՞ փոփոխություններ պետք է անեն ստարտափները սպասվող նոր աշխարհում մրցունակ լինելու համար։

Վիրտուալ զրույցը տեղի կունենա ապրիլի 30-ին, ժամը 17:00-ին։

Մասնակցելու համար անհրաժեշտ է նախապես գրանցվել։ Ցանկացողները կարող են նաև նախօրոք ուղարկել հարցեր։ Զրույցի լեզուն լինելու է հայերեն։ Գրանցվել և հարցեր ուղարկել կարող եք այս հղումով: