Ներկայացվել է լավագույն Smart City նախագծերի ինտերակտիվ քարտեզը

Մոսկվայի տեղեկատվական տեխնոլոգիաների դեպարտամենտի ստորաբաժանման՝ Smart City Lab-ի մասնագետները բաց ռեժիմով ներկայացրել են մեգապոլիսների սմարթ լուծումների ինտերակտիվ քարտեզը:

«Խելացի» նախագծերի քանակով առաջատար են Սինգապուրը (35), Սեուլը (23), Դուբայը (21), Նյու Յորքը (19) և Հելսինկին (16):

Քարտեզը ներառում է 195 նախագիծ, որոնք իրագործվել են 2018թ. ընթացքում աշխարհի 16 քաղաքներում անվտանգություն և բնապահպանություն, քաղաքային միջավայր, տնտեսություն, թվային շարժունակություն, մարդկային և սոցիալական կապիտալ ուղղություններով: Ինտերակտիվ քարտեզը ներառում է բոլոր նախագծերի համառոտ նկարագրությունը: