10 հարմար գործիք թիմով հեռավար աշխատելու համար - VNews

10 հարմար գործիք թիմով հեռավար աշխատելու համար

Ներկայացնում ենք տնից խմբային աշխատանքը արդյունավետ կազմակերպելու գործիքներ։

Կորպորատիվ մեսենջեր․ Telegram

  • Հարթակներ՝ վեբ, Windows, macOS, Linux, Android, iOS
  • Այլընտրանքներ՝ SlackSkypeFlockDiscord

Telegram-ը ամենատարածված մեսենջերներից մեկն է: Այն ակտիվորեն օգտագործվում է ինչպես առօրյա հաղորդակցության, այնպես էլ աշխատողների միջև գործարար կապերի համար:

Telegram-ն արագ, հարմար և պարզ է: Ծառայությունը չունի վիդեոկոնֆերանսի և մի շարք այլ օգտակոր ֆունկցիաներ, որոնք առկա են Slack-ի նման կորպորատիվ մեսենջերում։ Փոխարենը այն կարող է օգտագործվել բացարձակապես անվճար:

Օֆիս․ Google Sheets, Docs, Slides

Google-ն առաջարկում է խաչաձև հարթակ, ֆունկցիոնալ և անվճար ծառայությունների փաթեթ՝ հանրաճանաչ գրասենյակային ֆայլերի ձևաչափերով աշխատելու համար: Դրա օգնությամբ դուք կարող եք ստեղծել և խմբագրել տեքստային փաստաթղթերը, աղյուսակները և պրեզենտացիաները` ինչպես ինքնուրույն, այնպես էլ գործընկերների հետ համատեղ:

Յուրաքանչյուր օգտվող ունի 15 ԳԲ պահեստային տարածք ՝ Google սերվերներում ֆայլեր պահելու համար: Լրացուցիչ ծավալ ստանալու համար կարող եք G Suite վճարովի բաժանորդագրություն ունենալ: Այն նաև ներառում է շուրջօրյա օժանդակ ծառայություններ, կորպորատիվ փոստային ծառայություններ և տվյալների պաշտպանության լրացուցիչ հնարավորություններ: Սակագները սկսվում են յուրաքանչյուր անձի համար ամսական 6 դոլարից:

Նշումների ծառայություն․ OneNote

  • Հարթակներ՝ վեբ, Windows, macOS, Android, iOS
  • Այլընտրանքներ՝ EvernoteNotion

Google docs-ը և նմանատիպ ծառայությունները հարմար չեն փոքր նշումներով աշխատելու համար: Microsoft-ի OneNote-ն ունի ինտուիտիվ ինտերֆեյս, որը նման է իրական նոթատետրի: Ծառայության պարզ և հստակ կառուցվածքը թույլ կտա ձեզ և ձեր գործընկերներին հարյուրավոր գրառումների մեջ արագ գտնել անհրաժեշտները։

OneNote-ի այլ առավելություններից է` տեքստը խմբագրելու և գրեթե բոլոր տեսակի հավելվածների աջակցությունը՝ աուդիո մեկնաբանությունից մինչև տեսանյութեր: Բացի այդ, ծառայությունը կարելի է օգտագործել անվճար: Այս դեպքում ամպի մեջ գրառումներ պահելու համար յուրաքանչյուր օգտագործողին տրամադրվում է 5 ԳԲ: Երբ ստանում եք վճարովի Office 365 Business կորպորատիվ բաժանորդագրություն, ամբողջ թիմը ստանում է 1 ՏԲ ընդհանուր տարածք OneNote-ի և Microsoft-ի այլ ծառայությունների համար:

Առաջադրանքների կառավարիչ․ Todoist

  • Հարթակներ՝ վեբ, Windows, macOS, Linux, Android, iOS
  • Այլընտրանքներ՝ TickTickNotionAny.do

Թիմը հեռավար ձևով արդյունավետ կառավարելու համար ղեկավարին անհրաժեշտ է առաջադրանքներ փոխանցելու հարմար գործիք: Todoist-ն այս կատեգորիայի լավագույն ծառայություններից մեկն է: Այն թույլ է տալիս արագորեն ավելացնել գործերը, կազմակերպել դրանք ըստ ցուցակների և առաջնահերթությունների, ժամանակ նշանակել և կցել կատարողներին:

Անվճար ռեժիմում կարող եք ավելացնել մինչև 80 նախագիծ և դրանցից յուրաքանչյուրին կցել մինչև 5 աշխատող: Սահմանափակումները հեռացնելու, ինչպես նաև ծանուցագրերը, պիտակները և այլ առաջադեմ առանձնահատկությունները հասանելի դարձնելու համար հարկավոր է ձևակերպել վճարովի բաժանորդագրություն: Արժեքը սկսվում է յուրաքանչյուր անձի համար ամսական 229 ռուբլուց:

Նախագծերի կառավարիչ․ Asana

Առաջադրանքների կառավարող ծրագրերը լավ են արագ առաջադրանքների համար, բայց միշտ չէ, որ հարմար են բարդ աշխատանքային հոսքերի կառավարման համար: Բիզնեսի նկատմամբ ավելի ռազմավարական մոտեցման համար օգտագործվում են Asana-ի նման ծրագրեր: Այս ծառայությունը թույլ է տալիս պլանավորել և կառուցել ձեր աշխատանքային հոսքը բազմաթիվ տարբերակներով: Յուրաքանչյուր աշխատող հստակ տեսնում է իր պարտականությունները և աշխատանքի պայմանները: Եվ ղեկավարը կարող է հեշտությամբ հետևել առաջընթացին և դիտարկել նախագծի ընդհանուր պատկերը:

Asana-ի անվճար տարբերակը նախատեսված է այն թիմերի համար, որոնց աշխատակիցների թիվը չի գերազանցում 15 հոգին, ինչպես նաև որոշ առանձնահատկություններ չկան: Վճարովի բաժանորդագրության արժեքը սկսվում է յուրաքանչյուր օգտագործողի համար ամսական 11 դոլարից: Որքան ավելի թանկ է ընտրված ծրագիրը, այնքան ավելի շատ հատկություններ են ապահովված:

Գաղտնաբառերի կառավարիչ․ LastPass

  • Հարթակներ՝ վեբ, Windows, macOS, Linux, Android, iOS
  • Այլընտրանքներ՝ TickTickNotionAny.do

Աշխատանքային խումբը կարող է օգտագործել տասնյակ տարբեր ծառայություններ: Եվ, իհարկե, բոլոր այդ ծրագրերին հարկավոր են ուժեղ գաղտնաբառեր: Բարեբախտաբար, դրա համար ստեղծվել են և հատուկ գործիքներ։

Առավել հայտնիներից մեկը LastPass ծառայությունն է: Այն ստեղծում է բարդ գաղտնաբառեր, պահպանում է դրանք հուսալի ամպում և ավտոմոտ կերպով մուտքագրում է դրանք համապատասխան հաշիվները մուտք գործելու ժամանակ: LastPass ծրագիրը թույլ կտա թիմի բոլոր անդամներին հասանելիություն ունենալ ընդհանուր կորպորատիվ գաղտնաբառերին: LastPass-ը թիմի համար օգտագործելու համար հարկավոր է ձեռք բերել լիցենզիա: Արժեքը կախված է մասնակիցների թվից:

Վիդեոկոնֆերանսներ․ Hangouts Meet

  • Հարթակներ՝ վեբ, Android, iOS
  • Այլընտրանքներ՝ SkypeSlack

Hangouts Meet-ը թույլ է տալիս շփվել երկու կամ ավելի մարդկանց (մինչև 100)։

Հաղորդագրությունների պատմությունները պահպանվում են Google-ի սերվերներում, ինչը թույլ է տալիս սինխրոնիզացիայի ենթարկել դրանք սարքերի միջև: Ի տարբերություն մրցակից ծառայություններին՝ խմբային չաթերում երևում է՝ մինչև որտեղ է կարդացել նամակագրությունը յուրաքանչյուր օգտատեր։

Պատկերները, որոնցով մասնակիցները փոխանակվում են կոնֆերենսի ժամանակ, ավտոմատ կերպով բեռնվում են Google+-ի փակ ալբոմներ։

PDF ֆայլերի հետ աշխատանք․ Acrobat Pro DC

Եթե ձեր թիմը հաճախ է գործ ունենում PDF ֆորմատով ֆայլերի հետ, համատեղ խմբագրելու հնարավորությամբ ծրագիրը կարող է խնայել հսկայական ժամանակ ու ջանք: Acrobat Pro DC-ն հիանալի է այս դերի համար: Սա ամպի վրա հիմնված գործիք է, որը թույլ է տալիս դիտել և մեկնաբանել PDF փաստաթղթերը բոլոր օգտվողներին, ովքեր հասանելիություն ունեն ֆայլերին:

Acrobat Pro DC ծառայությունը վճարվում է: Բաժանորդագրման արժեքը ամսական 1 610 ռուբլի է կամ տարեկան 11 592 ռուբլի:

Սքրինշոթերի կառավարիչ. LightShot 

Հեռավոր աշխատանքի ընթացքում մեկ նկարը կարող է փոխարինել հազարավոր բառերի: Հետևաբար, սքրինշոթեր ստեղծելու հարմար գործիքը ձեզ չի խանգարում: LightShot ամպային ծառայությունը հարմար է սրա համար: Անվճար է և թույլ է տալիս ընտրված տարածքը 2 քլիքով սքրինշոթ անել։

Ստեղծելով պատկերը, դուք կարող եք անմիջապես ուղարկել այն գործընկերներին` LightShot-ի հղումներով կամ ցանկացած մեսենջերով:

Ամպային պահոց. Google Drive

Դժվար է պատկերացնել հեռավոր աշխատանքը թիմում առանց ամպի՝ ընդհանուր տվյալները պահելու համար: Տասնյակ նման ծառայություններ կան, բայց լավագույններից մեկը Google Drive-ն է: Այն առաջարկում է 15 ԳԲ անվճար տարածք, ինտեգրված է Google-ի այլ պրոդուկտների հետ և հասանելի է հարմար ինտերֆեյսով: Ծավալը ընդլայնելու համար կարող եք G Suite բաժանորդագրություն գնել։

 


Apple-ն ու Google-ը չեն կարողանա հետևել մարդկանց

Google-ը անվճար է դարձնում Meet պրեմիում տեսակոնֆերանսները

Google-ը բրաուզերի Doodles-ով ծրագրավորում կսովորեցնի

Google-ը ձեռքերի լվանալու պրոցեսը մինի խաղի է վերածել

Google-ը բանկային քարտ կթողարկի

Google-ը և Apple-ը կմիավորվեն կորոնավիրուսի դեմ պայքարում

Top-10 աշխարհի չամուսնացած միլիարդատերերը

Ռեբրենդինգ․Google-ի Hangouts Meet ծառայությունն անվանափոխվել է

Facebook-ը կհավաքագրի մարդկանց տեղաշարժման տվյալները

Google-ը սկսել է տվյալներ հավաքել հասարակական վայրերում մարդկանց տեղաշարժի վերաբերյալ

Huawei-ն միլիարդներ է կորցրել ԱՄՆ-ի պատճառով

Google-ը ռադիկալ կփոխի Chrome-ի ինտերֆեյսը

Telegram-ում թարմացումների տարափ է

Google-ը չեղարկել է կատակի օրվան նվիրված անակնկալները

Google-ը 800 մլն. դոլար կտրամադրի կորոնավիրուսի դեմ պայքարին

Պուտինի խոսնակը խնդրել է բուժաշխատողին ոչնչացնել հեռախոսը նախագահին նկարելուց հետո (տեսանյութ)