fbpx
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

10 փաստ արհեստական ինտելեկտի մասին

Code Vox Media համաժողովի ժամանակ Բիլ Գեյթսը արհեստական ինտելեկտը համարել է «Ինֆորմատիկայի Սուրբ Գրաալ*»: Նա խոսել է համակարգչային տեսլականի մեջ խոսքի ճանաչման վերջին հինգ տարվա արագ առաջընթացի մասին և ասել է, որ «երազը վերջապես իրականություն է դառնում»: Տեխնոլոգիական ներդրողները պետք է հասկանան այս շուկայի հիմնական միտումները և խաղացողներին:

Ձեզ ենք ներկայացնում Insider Pro կայքի հավաքագրած փաստերը արհեստական ինտելեկտի մասին:

1. 2020 թ. ԱԻ-ն շուկայում կաճի մինչև 5 մլրդ դոլար

Markets and Markets հետազոտական ընկերությունը կարծում է, որ 2020 թ. ԱԻ-ն շուկայում կաճի մինչև 5 մլրդ դոլար: Դա տեղի կունենա մեքենայական ուսուցման** տեխնոլոգիաների և լրատվամիջոցների, գովազդի, մանրածախ առևտրի, ֆինանսական և առողջապահության բնագավառների լեզվի ընկալման շնորհիվ:

Մեքենայական ուսուցման ոլորտի հիմնական խաղացողները հենց ամպային տեխնոլոգիաների ոլորտի խաղացողներն են՝  այդ թվում նաև Amazon-ը, Microsoft-ը և IBM-ը:

2. ԱԻ-ի աջակցության համար անհրաժեշտ կլինի 6 մլրդ սարքավորում

Ըստ Cartner խորհրդատվական ընկերության հետազոտությունների, արդեն 2018 թ. ԱԻ-ն պատրաստ կլինի համացանցին միացած 6 մլրդ սարքավորման օգտագործման համար: Առաջին հերթին դրանք ավտոմեքենաներն են և այլ գաջեթները:

3. ԱԻ-ի ստարտափերն արդեն 5,4 միլիարդից ավել ներդրում են ստացել

AngelList-ը այս պահին հաշվում է մոտ 1031 ստարտափ կապված ԱԻ-ի հետ: Այս ցուցակի 3 ամենահետաքրքիր  ստարտափերն են՝ Autonomus-ը, Crux-ը, Zero Slant-ը:

 4. Գործատուների 80 %-ը կարծում են, որ ԱԻ-ն բարձրացնում է աշխատանքի արտադրողականությունը:

Narrative Science հետազոտական ընկերության ուսումնասիրությունների արդյունքում պարզ է դարձել, որ գործատուների 80%-ը կարծում է, որ որոշումները կախված ԱԻ-ի հետ, բարձրացրել  են աշխատակիցների արտադրողականությունը և նոր աշխատատեղեր բացելու հնարավորություն են տվել:

5. Բջջային օգտագործողների մեծ մասը օգտվում է ձայնային օգնականից

Սկզբում թվում էր, թե ոչ ոք չի զրուցի հեռախոսի հետ, բայց Creative Strategies-ի հետազոտությունները ցույց են տվել, որ iPhone-ի օգտատերերի միայն 2 %-ն է, որ չի օգտվում Siri-ից, իսկ Android-ի օգտատերերի՝ 4%-ը:

6. Վիրտուալ օգնականը մեր փոխարեն որոշումներ կկայացնի:

Gartner-ը կարծում է, որ մինչև 2020 թվականը վիրտուալ օգնականների և օգտագործողների միջև բոլոր փոխհարաբերությունների մոտ 40% -ը կախված կլինի նեյրոցանցերի կողմից մշակված տվյալներից: Այսինքն, բոլոր այն տվյալները, որոնք մենք կամավոր տրամադրում ենք Facebook-ին, Google-ին և Amazon-ին, կօգտագործվեն մեր պրոֆիլի ստեղծման համար, և«խելացի գործակալները» կփորձեն կանխատեսել մեր կարիքները ըստ այս պրոֆիլի:

7. 2020 թ. ընկերությունների և հաճախորդների հարաբերությունների կարգավորման համար մարդկային միջամտություն պետք չի լինի:

Cartner-ը հաստատում է, որ 2020 թ. վերջում 85 % դեպքերում հաճախորդների սպասարկման համար մարդկային միջամտություն պետք չի լինի: Վերլուծաբանները կարծում են, որ սոցիալական մեդիայի ավտոմատացված վերլուծությունը, հաճախորդների մասին տեղեկատվության կառավարման համակարգերը և անհատականացված զրուցարանները, որոնք ճանաչում են դեմքերը և ձայները, զգալիորեն կնվազեցնեն ավանդական զանգերի կենտրոնների կարիքը:

8. Հաջորդ 10 տարիներին ԱԻ-ն կփոխարինի Ամերիկայի աշխատողների 16%-ին:

Ըստ Forrester հետազոտական ընկերության, արհեստական ինտելեկտը հաջորդ 10 տարում կփոխարինի ԱՄՆ-ի աշխատողների 16%-ին: Բայց նաև կստեղծվեն նոր աշխատատեղեր այս ինֆրաստրուկտուրայի վերահսկման համար: Արդյունքում, աշխատուժի ընդհանուր կորուստը կկազմի 7%:

Անհանգստանալ պետք է ոչ միայն զանգերի կենտրոնների աշխատակիցներին: Բժշկական ԱԻ-ն կարող է կրճատել ցածր կարգի բժշկական անձնակազմի կարիքը, առանց վարորդի մեքենաները կփոխարինեն պրոֆեսիոնալ վարորդներին, իսկ ռոբոտ-գրողները կարող են ավելի արագ և ճշգրիտ հոդվածներ գրել:

9. Շուտով ավելի շատ աշխատող ռոբոտներ կլինեն, քան աշխատող մարդիկ:

Cartner-ի տվյալներով, 2018 թ. 45% արագ աճող ընկերությունների մեծ մասում ավելի շատ կաշխատեն ռոբոտներ և վիրտուալ օգնականներ, քան մարդիկ:

10. Արհեստական ինտելեկտը վաղուց մեր կողքին է

Դեռևս արհեստական ինտելեկտը չի հավակնում մեր աշխատանքին և հիմնովին չի փոխել մեր կյանքը: Բայց այն աննկատ մտնում է մեր կյանք՝ բջջային հավելվածների, սոցիալական մեդիայի և վիրտուալ օգնականների միջոցով: Տեխնոլոգիական ներդրողները պետք է շատ լուրջ հետևեն «Ինֆորմատիկայի Սուրբ Գրաալի» շուրջ ընթացող իրավիճակին:

* Միջնադարյան կելտական և նորմանդական առասպելներում համարվում է Կրքի գործիք՝ գավաթ, որից Հիսուս Քրիստոսը ճաշակել է Խորհրդավոր ընթրիքին և որի մեջ Հովսեփ Արիմաթացին հավաքել է խաչված Փրկչի արյունը

**Համակարգչային գիտությունների և արհեստական ինտելեկտի ենթաբաժին, որն ուսումնասիրում է ինքնուրույն ուսուցանվող համակարգերի մոդելները ու դրանց կառուցման և ուսուցման համար նախատեսված ալգորիթմները։ Այն հնարավորություն է տալիս մեքենային փորձնական տվյալների հիման վրա սովորել այն, ինչը բացահայտ ծրագրավորած չէ


Արհեստական ինտելեկտը կլինի յուրաքանչյուր դռան բռնակում. Դավիթ Յան (տեսանյութ)

SuperAnnotate AI. հայ ինժեներները ստեղծել են պատկերների մշակման բացառիկ տեխնոլոգիա

ONEX-ը ներկայացրեց Արհեստական Ինտելեկտով օժտված Smart Wall (ֆոտոշարք)

Amazon-ի համակարգը շփոթել է քաղաքական գործիչներին հանցագործների հետ

Windows 10-ի թարմացմամբ զբաղվում է արհեստական ինտելեկտը

Բարև ապագայից․ Այբի սաները ներկայացրել են արհեստական ինտելեկտի ստեղծած արվեստի գործեր

Դավիթ Յանը գործարկել է AI-ի միջոցով բիզնեսի վերլուծության նոր գործիք

Դավիթ Յանը՝ «չար» արհեստական ինտելեկտի և աշխարհը կառավարելու գաղտնիքների մասին

Միլիարդատեր Իլոն Մասկը երկրագնդի համար «նոր, մութ ժամանակներ» է կանխագուշակել

2018 թ. հեղափոխական կլինի գիտության և տեխնոլոգիաների համար

Իրականացա՞ն, թե՞ ոչ. 2017 թվականի տեխնոլոգիական կանխատեսումները

ԱԻ-ն գուշակել է 2017-ի Time ամսագրի տարվա մարդուն

Արհեստական ինտելեկտով պատրաստված թխվածքաբլիթներն արդեն գոյություն ունեն

Google-ի ԱԻ-ն ստեղծել է սեփական արհեստական ինտելեկտ, որը գերազանցում է մարդկանց կողմից ստեղծվածներին

2017 թվականի 10 հեղափոխական տեխնոլոգիաները (մաս 2)

2017 թվականի 10 հեղափոխական տեխնոլոգիաները (մաս 1)