fbpx
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

100 օրվա ամփոփումը ՏՏ ոլորտում

Հետ չմնալով ժամանակակից աշխարհի ապրելակերպից՝ Հայաստանում ևս զարգանում են տեղեկատվական տեխնոլոգիաների բարելավման ուղիները։ ՀՀ տրանսպորտի, կապի և տեղեկատվական տեխնոլոգիաների նախարարի պաշտոնավարման  100 օրվա առթիվ ասուլիս էր հրավիրվել, որի արդյունքում հրապարակվեց  նաև այդ օրերի ընթացքում ՏՏ ոլորտում  կատարված աշխատանքների ցանկը։

  • Ստեղծվել է «Մուլտի գրուպ» վենչուրային (ռիսկային) հիմնադրամ՝ նախնական 1 000 000 $ ֆինանսավորմամբ։ Այս հիմնադրամը աջակցելու է ինովացիոն սկսնակ և բարձր տեխնոլոգիական ընկերություններին և ֆինանսավորելու է ստարտափներին։
  • Բանակցությունների փուլում է գտնվում «Paypal» համակարգի՝ Հայաստան ներդնելու գործընթացը։ Հաջողության դեպքում Հայաստանում վճարումներ կատարելու համապատասխան միջավայր կստեղծվի։
  • «Merchant account countries by Google» ցանկում այժմ նաև Հայաստանի անունը կա, որի արդյունքում բոլորին հայտնի «Google play»-ի գործարկման արգելքներն այլևս չկան։ Հայ օգտատերերը կարող են իրենց հավելվածները վաճառել այնտեղ, եթե ունեն Հայաստանի գրանցում։
  • Նոր օրենքի նախագիծ է ներկայացվել ՀՀ վարչապետի աշխատակազմին՝ կապված ՏՏ ոլորտի նորաստեղծ ընկերությունների հարկային դաշտում արտոնություններ ունենալու հետ։
  • Աշխատաշուկայի ոլորտային նախաձեռնությունների՝ ԵԱՏՄ մրցույթներին մասնակցելու համար աշխատանքներ են տարվում, որի հաջողման արդյունքում հնարավոր կլինի հաղթող նորարարական լուծումներն արտահանել միջազգայիյն շուկա։
  • Հեռահաղորդակցության միջազգային միությանն է ներկայացվել ՀՀ կիբերանվտանգության ոլորտի հարցաշարը։ Վարկանիշավորման զեկույց կհրապարակվի։
  • Սույն թվականի օգոստոսի 24-ից հայտարարվել է մրցույթ՝
  1. տնտեսական բոլոր ճյուղերը թվայնացնելու տեխնիկական-տեխնոլոգիական միջոցներ ապահովելու,
    1. տեղեկատվական համակարգերի անվտանգության մակարդակը բարձրացնելու,
    2. կատարվող ծախսերը նվազեցնելու և կառավարման արդյունավետությունը բարձրացնելու նպատակով

    Նախատեսվում է ստեղծել տվյալների պահոց (Data Center)։