10Web-ը մշակում է նոր լուծում, որը AI-ի միջոցով կավտոմատացնի վեբ-կայքեր պատրաստելը (տեսանյութ)

10Web հայկական ընկերությունը մշակել է WordPress վեբ կայքեր պատրաստելու հարթակ, այն հիմադրել են 2017թ․ հոկտեմբերի 10-ին  Արտավազդ Մինասյանը, Սերգեյ Մարկոսյանն ու Արմեն Սաղաթելյանը։ Վերջերս 10Web-ն առաջին անգամ ներկայացվեց ProductHunt հարթակում, որտեղ ճանաչվեց լավագույն լուծումներից մեկը և հայտնվեց միջազգային մամուլի ուշադրության կենտրոնում։ 

Ընկերությունն այժմ մշակում է նորարական լուծում, որի նպատակն է ամբողջովին ավտոմատացնել վեբ կայքերի պատրաստման գործընթացը Արհեստական բանականության (AI), Մեքենայական ուսուցման (ML) օգնությամբ։ Նախագիծը ստացել է 10Web X անավանումը, որը թույլ կտա WordPress հիմքով պատրաստել Ձեր հավանած կայքի կրկնօրինակը՝ ընդամենը տեղադրելով դրա հղումը հարթակում։ 

Հարթակի համահիմնադիրների խոսքով՝ վեբ կայք պատրաստելու պրոդուկտներն ունեն իրենց անվճար տարբերակները, որոնք բոլորը միասին ներբեռնվել են ավելի քան 20 միլիոն անգամ։ VNews – Business & Tech-ն զրուցել է սպասվող ինովացիոն պրոդուկտի, ընկերության ստեղծման ու գործունեության մասին 10Web-ի համահիմնադիր Սերգեյ Մարկոսյանի և Մեքենայական ուսուցման թիմի պատասխանատու Տիգրան Նազարյանի հետ․