Apple-ը սկսել է վաճառել օգտագործված iPhone 7

Apple ընկերությունը  վաճառքի է հանել նախկինում օգտագործված  iPhone 7 և 7 Plus  սմարթֆոնները։ Հեռախոսները կվաճառվեն միայն ԱՄՆ-ում,- հաղորդում է MacRumors:  Հասանելի են 32, 128 և 256 ԳԲ ծավալով վերականգնված տարբերակները։ iPhone-ը հասանելի կլինեն միայն ԱՄՆ-ում։ Դրանք կարժենան 500, 590 և 680 ԱՄՆ դոլար։ Գումարի խնայողությունը կազմում է 50-70 դոլար։ Սմարթֆոնները վաճառքի են հանվելու անփայլ սև, մետաղական սև, արծաթագույն, վարդագույն և ոսկեգույն երանգերով։

iPhone 7 Plus-ից վաճառքի են հանված միայն 32 և 128 ԳԲ ծավալ ունեցողները ՝600 և 690 դոլար արժեքով։։ 256 ԳԲ-անոց տարբերակը դեռևս հասանելի չէ։

Apple-ը սկսել է վաճառել վերականգնված iPhone-ներ դեռևս 2016-ին՝  iPhone 7-ի թողարկումից մի քանի ամիս անց։ Ընկերությունը հավաստիացնում է, որ սարքերի ամբողջական դիագնոստիկայից հետո, փոխվել  է դրանց պատյանը, մարտկոցը և այլ բաղադրիչներ։ Դրանք դրվում են սովորական սպիտակ տուփերի մեջ և վաճառվում են լրիվ նոր աքսեսուարներով։

Վերականգնված սմարթֆոնների համար գործում է նույնպիսի երաշխիքային սպասարկում, ինչպիսին նորերի համար։