Apple-ը հաստատել է iPhone 12-ի վերջնական դիզայնը

Ամերիկյան Apple ընկերության ղեկավարությունը հաստատել է iPhone 12 և 12 Pro սպասված սմարթֆոնների վերջնական դիզայնը, այս մասին հայտնում են չինական ինսայդերները՝ հղում տալով The Wall Street Journal-ին։

Այդ տեղեկատվության հիման վրա հայտնի դիզայներ Ջոնաս Դահներթը (Jonas Daehnert) ստեղծել է մոդելների ռենդերները, որոնք հրապարակվել են phonearena.com կայքում։ Դրանց մեջ, մասնագետների կարծիքով, չկա ոչ մի անսպասելի բան։ Սմարթֆոնը քառակուսի բլոկում կունենա թարմացված տեսախցիկներ, ինչպես նաև դիմային պանելի տարբերակիչ կտրվածք։

Տեսախցիկը կունենա լազերային հեռաչափ, որպեսզի ավելի ճշգրիտ սահմանի տեսարանի խորությունը։ Արտաքնապես մոդելները նման կլինեն iPhone 4-ին և 5-ին։