Apple կուղղի սեփական սխալը iOS 12.1-ում

Apple ընկերությունը պատրաստվում է ուղղել սեփական սխալը իր օպերացիոն համակարգի նոր թարմացման մեջ:

Ինչպես հաղորդում է  The Verge-ը, Apple-ը iOS 12.1 տարբերակում կուղղի իր նոր  iPhone-ների դիմային տեսախցիկի աշխատանքի որակը: Նոր թարմացման մեջ մասնավորապես կկարգավորվի Smart HDR գործառույթը, որը թույլ է տալիս տարբեր լուսային գամաներում ավելի լավ լուսանկար ստանալ:

Մինչ այս գործառույթի օգնությամբ նկարները ոչ թե ավելի հստակ էին ստացվում, այլ ավելի անկայուն և ոչ հստակ պատկերներով: Բացի այդ նոր սմարթֆոնների դիմային տեսախցիկները չունեին օպտիկական կարգավորման գործիք, որը հանգեցնում էր ոչ հստակ պատկերի ստացման յուրաքանչյուր օգտագործման ժամանակ: