Նոյեմբերի 24-25-ին կկայանա ArmCTF 2018 մրցույթը

Հոկտեմբերի 24-ին, Hero House-ում տեղի ունեցավ OWASP (Open Web Application Security Project) Armenia-ի ամենամսյա հավաքը, որի ընթացքում քննարկվեցին նոյեմբերի 24-ին և 25-ին անցկացվելիք ArmSec կոնֆերանսը և Capture The Flag մրցույթը։

Նոյեմբերի 24-ի երեկոյան կսկսվի Capture the Flag (CTF) մրցույթը, որի նպատակն է կիբերանվտանգության վերաբերյալ մարտահրավերների և առաջադրանքների շուրջ միավորել ոլորտի երիտասարդ մասնագետներին։ Երկօրյա միջոցառման ընթացքում 100-ից ավելի մասնակիցներ, լուծելուվ տարբեր բարդություն ունեցող առաջադրանքներ, կհավաքեն միավորներ։ Ամենաշատ միավորներ հավաքած մասնակիցներին կշնորհվեն մրցանակներ։

Մասնակցության համար գրանցվել հնարավոր է այստեղ։

Capture the Flag (CTF) մրցույթի կազմակերպիչներն են ArmSec հիմնադրամը, “OWASP” Armenia-ն, Illyuria Security ընկերությունը, SmartGateVC վենչուրային ֆոնդը և Հայաստանի Ամերիկյան Համալսարանը: Կազմակերպիչների թիմը բաց է տարբեր ձևաչափերում համագործակցության համար: