Աշխարհի ամենամեծ ինքնաթիռը մոտ 100 տոննա պաշտպանիչ հագուստ ու դիմակ է տեղափոխել Վարշավա

Աշխարհի ամենամեծ բեռնատար ինքնաթիռ An-225 Mriya-ն տոննաներով պաշտպանիչ դիմակներ է տեղափոխել Լեհաստանի մայրաքաղաք։

Բեռն իր մեջ ներառում է  76 տոննա պաշտպանիչ կոմբինեզոն և 11 տոննա դեմքի պաշտպանիչ դիմակ, հայտնում է ToDay News Ufa-ն՝ հղում անելով լեհական TVP Info հեռուստաալիքին։

An-225 Mriya-ն նաև 9 տոննա բժշկական դիմակներ է հասցրել Լեհաստան։

Ինքնաթիռը թռչել է Չինաստանից, տեղափոխման գործընթացն իրականացվել է Lotos, KGHM Polska ընկերությունների կողմից, իսկ բեռի տեղափոխման նպատակը Լեհաստանում կորոնավիրուսի համաճարակի դեմ էֆեկտիվ պայքարն է։

Նշենք, որ այս պահին Լեհաստանում կա կորոնավիրուսի 7408 հաստատված դեպք, որից 268-ը՝ մահվան ելքով։