Աշխարհի տարբեր մասերում շարունակում են այրել 5G աշտարակները - VNews

Աշխարհի տարբեր մասերում շարունակում են այրել 5G աշտարակները

20200318 gaf u39 1343 pic4 zoom 1500x1500 91271 - Աշխարհի տարբեր մասերում շարունակում են այրել 5G աշտարակները

Ամբողջ Նոր Զելանդիայի տարածքով սկսել են այրել բջջային կապի աշտարակները։ Տեղի իշխանությունները հայտնում են, որ մեղավորը հայտնի տեսությունն է,թե 5G կապի և կորոնավիրուսի համաճարակի միջև կապ կա։

Ամբողջ երկրի տարածքով արդեն այրվել է 17 5G աշտարակ և արդյունքում հարյուր հազարավոր դոլարների վնաս է հասցվել։ Հրդեհները սկզբից էլ կասկածելի են թվացել, սակայն երկար ժամանակ բավարար ապացույցներ չեն եղել դրանք կորոնավիրուսի հետ կապելու համար։ Նոր Զելանդիայի ոստիկանապեսը հայտարարել է, որ ցանկացած մեկը, ով նորից կփորձի այրել բջջային կապի աշտարակները «5G-դավադրության» պատճառով, կենթարկվի շատ խիստ պատժի, գրում է popmech-ը։

5G-ն ամենանոր և ամենաարագ բջջային կապն է, որը հետևում է 2G, 3G և 4G-ին։ Այն գործարկվել է դեկտեմբերին Նոր Զելանդիայում, այնուհետև նաև այլ երկրներում՝ ներառյալ Ֆիլիպինները և ՀՎ Կորեան։ RNZ տվյալներով դավադրության տեսությունում կորոնավիրուսի և քաղցկեղի տարածումը պայմանավորում են 5G աշտարակների ճառագայթման հետ։

Հիշեցնենք, որ առաջին նմանատիպ հարձակումները տեղի էին ունեցել Անգլիայում, որտեղ նույնպես պանդեմիայի տարածման մեջ մեղադրում էին 5G ճառագայթմանը։