Cuphead խաղի կրկնօրինակն անփութորեն հայտնվել է App Store-ում

Դիսնեյի հին ու բարի մուլտֆիլմերի մոտիվներով Cuphead խաղի կրկնօրինակն՝ առանց Apple-ի թույլտվության, հայտնվել էր App Store-ում։

Շատերի համար սա անակնկալ էր, քանի որ խաղը ստեղծողները դրա թողարկման մասին նախօրոք տեղեկատվություն չէին տարածել։ Խաղն արդեն վաճառվում է 3200 դրամով։

The Verge պորտալը բացահայտել է այս խարդախությոնւը։ Պորտալի մասնագետները պարզել են, որ studiomghrgames.com կայքը, որը նշված է App Store-ում որպես պաշտոնական, իրականում ձևակերպված է ոմն Վալտեր Գրեգորի անունով։ Խաղի ստեղծող հանդիսացող StudioMDHR ընկերության ցանկում այս անունով մարդ գրանցված չէ։

Խաղը դեռևս հասանելի է App Store-ից գնման համար։

Twitter-ի օգտատերերից մեկը, նկատելով խնդիրը, դիմել է Cuphead-ի աշխատակիցներին խաղի՝ կեղծ տարբերակի վերաբերյալ․ վերջիններս հաստատել են այն։

Գնորդն իրականում ստանում է խաղի լիարժեք տարբերակը, սակայն այն ունի թերություններ սենսորային կառավարման, մի շարք հնարավորությունների վատ աշխատանքների և անիմացիայի հետ։