Gmail-ը iOS-ի համար նորություն ունի

Gmail էլեկտրոնային փոստը նոր գործառույթ է թողարկել iOS օպերացիոն համակարգով աշխատող սմարթֆոնների համար:

Այսուհետև միանգամից մի քանի Gmail էջ ունեցող օգտատերերը կարող են համատեղել և միանգամից դիտել իրենց բոլոր էջերին եկող նամակները:

Նախկինում բոլոր էջերին եկած նամակները նայելու համար օգտատերը պետք է առանձին- առանձին բացեր դրանք: Այժմ հնարավորություն է տրվել ձախ մասում բացվող մասից ընտրել բոլոր հաղորդագրությունների համար նախատեսված կոճակը և դիտել դրանք:

Այս նոր գործառույթը հասանելի կլինի Gmail-ի բոլոր օգտատերերին առաջիկա 15 օրերի ընթացքում: