Google-ը WCIT 2019-ի 15 տոմս է նվիրում Հայաստանի ուսանողներին, ԱՏՁՄ-ն կրկնապատկում է թիվը - VNews

Google-ը WCIT 2019-ի 15 տոմս է նվիրում Հայաստանի ուսանողներին, ԱՏՁՄ-ն կրկնապատկում է թիվը

«WCIT 2019»-ի հովանավոր «Գուգլը» Երևանում կայանալիք ՏՏ 23-րդ համաշխարհային համաժողովի 15 տոմս է նվիրում Հայաստանի ուսանողներին։ Այս մասին լրագրողների հետ հանդիպմանը հայտարարել է «WCIT 2019»-ի կազմակերպչական կոմիտեի նախագահ Ալեքսանդր Եսայանը՝ իր ղեկավարած ԱՏՁՄ-ի անունից նշելով որ կրկնապատկում է այդ թիվը։

30 անվճար տոմսերը կտրամադրվեն առաջին դիմողներին։ Հոկտեմբերի 3-ին, Երևանի ժամանակով 9։00-ին «WCIT 2019»-ի ֆեյսբուքյան էջում կհայտնվի հայտը, որն անհրաժեշտ է լրացնել՝ նշելով անուն, ազգանուն, այլ տվյալներ, կցել անձնագրի և ուսանողի կարգավիճակը հաստատող փաստաթղթի պատճենները։

«ԱՏՁՄ-ն կարևորում է կթրությունն ու ՏՀՏ ոլորտի համար պրոֆեսիոնալ կադրերի պատրաստումը։ Ավելի վաղ «WCIT 2019»-ի կազմակերպչական կոմիտեն մասնակցության 100 անվճար տոմս է շնորհել Հայաստանի համալսարանների լավագույն ուսանողներին, որոնց ներկայացրել են ՏՏ, ճարտարագիտություն և բնական գիտություններ դասավանդող համալսարանները»,- նշել է «WCIT 2019»-ի կազմակերպչական կոմիտեի և ԱՏՁՄ նախագահ Ալեքսանդր Եսայանը։

Դասախոսների, ուսանողների, ակադեմիական ոլորտի ներկայացուցիչների համար նույնպես մասնակցության բացառիկ հնարավորություն է սահմանվել։

«WCIT 2019»-ի կազմակերպչական կոմիտեի նախագահ Ալեքսանդր Եսայանն այսօր հետևել է միջոցառման անցկացման վայրի նախապատրաստական աշխատանքներին։ Կ․ Դեմիրճյանի անվան մարզահամերգային համալիրից ֆոտոշարքը հասանելի է միջոցառման flickr-ի պաշտոնական էջում՝ WCIT 2019 Yerevan:

«WCIT 2019» ՏՏ համաշխարհային համաժողովը տեղի կունենա Երևանում, հոկտեմբերի 6-9-ին։ Համաժողովը հյուրընկալվում է Հայաստանում՝ ՀՀ կառավարության բարձր հովանու ներքո և աջակցությամբ։ ՏՏ համաշխարհային համաժողովը հիմնադրել է Տեղեկատվական տեխնոլոգիաների և ծառայությունների համաշխարհային դաշինքը։ Համաժողովը կազմակերպում է Առաջատար տեխնոլոգիաների ձեռնարկությունների միությունը։

Այս հեղինակավոր համաժողովին իրենց մասնակցությունը կունենան Հայաստանում մի շարք առաջատար ՏՏ ընկերություններ, այդ թվում՝ SoftConstruct ընկերությունը։ VNews – Business and Tech-ը համաժողովի ինֆորմացիոն գործընկերն է։


Apple-ն ու Google-ը չեն կարողանա հետևել մարդկանց

Google-ը անվճար է դարձնում Meet պրեմիում տեսակոնֆերանսները

Google-ը բրաուզերի Doodles-ով ծրագրավորում կսովորեցնի

Google-ը ձեռքերի լվանալու պրոցեսը մինի խաղի է վերածել

Google-ը բանկային քարտ կթողարկի

Google-ը և Apple-ը կմիավորվեն կորոնավիրուսի դեմ պայքարում

Ռեբրենդինգ․Google-ի Hangouts Meet ծառայությունն անվանափոխվել է

Facebook-ը կհավաքագրի մարդկանց տեղաշարժման տվյալները

10 հարմար գործիք թիմով հեռավար աշխատելու համար

Google-ը սկսել է տվյալներ հավաքել հասարակական վայրերում մարդկանց տեղաշարժի վերաբերյալ

Huawei-ն միլիարդներ է կորցրել ԱՄՆ-ի պատճառով

Google-ը ռադիկալ կփոխի Chrome-ի ինտերֆեյսը

Google-ը չեղարկել է կատակի օրվան նվիրված անակնկալները

Google-ը 800 մլն. դոլար կտրամադրի կորոնավիրուսի դեմ պայքարին

Կորոնավիրուսի պատճառով չի թարմացվի Google Chrome-ը

Ինչ կարևոր միջոցառումներ են հետաձգվել կորոնավիրուսի պատճառով