Google Chrome բրաուզերի աշխատանքը կդանդաղի

Աշխարհի ամենահայտնի բրաուզերը՝ արմատապես փոփոխություների է ենթարկվում։ Արդյունքում Google Chrome-ը կսկսի ավելի մեծ տեղ զբաղեցնել համակարգչի օպերացիոն հիշողությունում, փոխարենը կպաշտպանի համակարգը Meltdown և Spectre վնասաբեր վիրուսներից, ինչն սակայն կարող է բացասական ազդել արտադրողականության վրա։

Տարեսկզբին ՏՏ մասնագետները հայտնաբերեցին խոշոր խոցելիություն Intel, AMD և ARM ընկերությունների պրոցեսորներում: Խնդրի մասշատբները մեծ են, քանի որ այն կապված է ոչ թե ծրագրային ապահովման հետ, այլ հենց սարքավորումների։ Գրեթե բոլոր ժամանակակից համակարգիչներն ու սմարթֆոնները բախվել են այս խոցելիություններին, որոնց արդյունքում հաքերները կարող են գողանալ օգտատերերի անձնական տվյալները, գատղտնաբառերը, էլ․ նամակաները, մեսենջերների զրույցները և այլն։

Հենց սրա դեմ էլ Chrome-ի ծրագրավորողները որոշել են պայքարել, գրում է Ars Technica-ն։ Փոփոխությունների արդյունքում, բրաուզերը կսկսի դանդաղել։ Սա կներդրվի 99% օգտատերերի բրաուզերներում։