Google-ը անվճար է դարձնում Meet պրեմիում տեսակոնֆերանսները

Google-ը օգտատերերի համար բացում է Google Meet կորպորատիվ տեսակոնֆերանսների ծառայության հասանելիությունը, հայտնում է ընկերությունը։

Հիշեցնենք, որ ավելի վաղ, զանգեր ստեղծել կարող էին միայն G Suite վճարովի փաթեթի օգտատերերը։ Այժմ Google անվճար հաշիվը կարելի է օգտագործել ինչպես տեսազանգերին միանալու, այնպես էլ դրանք ստեղծելու համար։
Google Meet-ի անվճար հասանելիությունը կբացվի փուլերով, ծանուցումներ ստանալու համար օգտատերերը կարող են դիմում թողնել Google կայքում։ Անվճար ծառայությունը թույլ կտա ստեղծել մինչև 100 մասնակցով զանգեր։ Մեկ զանգի տևողությունը կլինի 1ժամ։