#ԳործԿա․ Ես աշխատում եմ․․․ Լիլիթ Բարսեղյան

Ես Լիլիթ Բարսեղյանն եմ, 24 տարեկան և Just Girls խանութ-սրահի հիմնադիրը: Երկու տարի առաջ Ռուսաստանից տեղափոխվեցի Հայաստան, իսկ մեկ տարի անց ստեղծեցի Just Girls-ը Հայաստանի աղջիկների համար:

Մասնագիտությամբ…

Գովազդատու եմ, սովորել եմ Ռուսաստանի Դաշնությունում: Օգտագործում եմ իմ ստացած բոլոր գիտելիքները բիզնեսի առաջխաղացման համար:

Աշխատում եմ որպես…

Ձեռնարկատեր:

Մի օր հասկացա, որ պետք է..

Վերադառնալ հայրենիք մշտական կացության համար, քանի որ ապրել մեծացել եմ Ռուսաստանում:

Աշխատանք գտնելը…

Բավականին դժվար էր սկզբնական շրջանում: Հիմնական պատճառը հայերեն լեզվի իմացության ցածր մակարդակն էր: Որոնումներից հետո որոշեցի զբաղվել սեփական բիզնեսով և ստեղծեցի Just Girls-ի ինստագրամյան էջը: Ներկայումս Just Girls-ը խանութ-սրահ է, որը հնարավորություն է տալիս հայ աղջիկներին օգտվել մատչելի, որակյալ և ամենակարևորը օրիգինալ կոսմետիկ միջոցներից։

Իմ կյանքը փոխվեց…

Իհարկե, կյանքս փոխվեց, երբ ստեղծեցի Just Girls-ը, որովհետև օր ու գիշեր մտածում էի ինչպես իրականացնել նման նախագիծ: Դրանով մտածմունքները չսահմանափակվեցին, քանի որ հիմա ավելի շատ եմ մտածում:

Աշխատանքում կարևոր է…

Կարգապահությունը և հավատը այն ամենում, ինչ անում ես:

Ես սիրում եմ իմ աշխատանքը…

Ինձ շրջապատող մարդկանց և այն գաղափարները, որոնք մենք իրականացնում ենք:

Խորհուրդ

Մեզ տրված է միայն մեկ կյանք և երկրորդ հնարավորություն այլևս չենք ունենա: Մի՛ ծախսեք այն մանրուքների վրա: