fbpx
    • Business & Tech Vnews

      Բիզնես և տեխնոլոգիական նորություններ Հայաստանից և աշխարհից

Գործարար կնոջ 1 օրը. MashRoom.am կայքի հիմնադիր Մարիաննա Քաբաբյան

Այս անգամ մեկ օր ենք անցկացրել Mashroom.am կայքի հիմնադիր, բլոգեր Մարիաննա Քաբաբյանի հետ։

Առավոտը

Ես երկու երեխաների մայրիկ եմ, առավոտներն ինձ մոտ սկսվում են շատ վաղ ու շատ ակտիվ: Երեխաներին դայակին ու մանկապարտեզ հանձնելուց հետո նոր սկսվում է իմ անձնական առավոտը, որն ինձ համար կարևոր ռիտուալ է. սուրճ, կրուասան, ոգեշնչում առաջին ինստագրամյան պոստի համար ու այդ պոստը… Վերջ, կարող եմ աշխատանքի գնալ։

Սու՞րճ, թե՞ թեյ

Տաք ամերիկանո, միշտ։

Մի քանի հարց

Mashroom.am-ի մասին

Mashroom.am նորաձևության բլոգը հիմնադրել եմ 2011 թ-ին: Այն տարիների ընթացքում վերափոխվել է և դարձել  կայք՝ կենսակերպի (լայֆսթայլի) մասին։ Ամեն ինչ սկսվեց 2009 թ. իմ առաջին ճանապարհորդությունից Եվրոպա, մասնավորապես` Փարիզ, որտեղ մոտիկից ծանոթացա նորաձևության  տների, այդ աշխարհի հետ, մոտ եղա նորաձևությանը և հագուստի ու աքսեսուարների լավագույն ժամանակակից նմուշներին։ Վերադառնալուն պես հասկացա, որ այլևս կյանքս ցանկանում եմ կապվել այդ ոլորտի հետ: Ցավոք, այդ շրջանում Հայաստանում ոլորտը դեռ այդքան էլ լավ վիճակում չէր։

Այսօր Mashroom.am-ը սոցցանցերում ունի հետևորդների բազմահազար բանակ և հարյուրավոր գործընկերներ։ Mashroom-ը նաև իմ՝ հայ արտադրողների մուլտիբրենդային ցուցասրահի անվանումն է, այսինքն բլոգինգի բիզնեսը եկել է նաև ռիթեյլի ոլորտ։

Մասնագիտությունը և բիզնեսը

Մասնագիտությամբ բանասեր եմ, ռուսաց լեզվի և  գրականության մասնագետ, գրականագետ։ Բիզնեսի հետ այն երբևէ կապ չի ունեցել և իմ անձնական համոզմունքն է, որ բիզնեսի հանդեպ հակումը ներքին բնածին որակ է, այլ ոչ թե մասնագիտական գիտելիքների համախումբ:

Կեսօր

Ամեն օր տարբեր են իմ կեսօրները. կամ խանութում եմ, կամ լանչի ժամին հանդիպումների մեջ: Իդեպ, միշտ փորձում եմ համատեղել աշխատանքային ու գործնական հանդիպումները:

Զրուցենք

Ոգեշնչումներ

Բլոգերի աշխատանքը ենթադրում է, որ ամեն օր դու պիտի ոգեշնչես հազարավոր մարդկանց ավելի լավը դառնալ, մոտիվացված լինել, առաջ գնալ, շրջապատել կյանքը գեղեցիկով և գեղեցիկ ապրել:

Աշխատանքային փոխհարաբերություններ

Ես փորձում եմ առաջնորդվել ժամանակակից աշխարհում այս պահին այդքան հայտնի էմոցիոնալ ինտելեկտի կառավարման մոդելով: Ընտրում եմ ոչ թե աշխատակիցներ, այլ նոր ընկերներ. ընթացքում կամ ընտանիք ենք դառնում, կամ՝ բաժանվում:

Երեկո

Հանգիստը

Չգիտեմ՝ ինչու է երեկոն հանգստի հետ ասոցացվում, ինձ մոտ այդպես չէ. ես կամ միջոցառումների եմ մասնակցում որպես կազմակերպիչ, կամ՝ որպես հյուր, կամ էլ տնային աշխատանքով եմ տարվում: Հանգստի ժամն ինձ համար բացառապես քնի ժամն է:

Երևանում սիրելի վայր

Սիրահարների այգում կա մի սրճարան, մեր ընտանիքի սիրելի   «Աչաջուրը», որտեղ հարմար է այցելել երեխաների հետ և օրվա կեսն այնտեղ անցկացնել: Այնտեղ սիրում եմ այցելել թե՛ նախաճաշելու, թե՛ ընթրելու:

Խորհուրդ սկսնակներին

Եղեք համառ, խիզախ, անվախ, մի լսեք ոչ մեկի կարծիքը, հատկապես հարազատների: Միայն դուք գիտեք, ինչ եք ուզում, իսկ եթե արդեն գիտակցել եք, դա, համարեք՝ արել եք գործի կեսը:


Գործարար կնոջ 1 օրը․ Cascade People & Business-ի հիմնադիր Արփի Կարապետյան

Գործարար կնոջ 1 օրը․ Start Digital Marketing Agency-ի համահիմնադիր Աննա Փորսուղյան

Գործարար կնոջ 1 օրը․ Be Informed-ի հիմնադիր Արուսիկ Մկրտչյան

Գործարար կնոջ 1 օրը․Նորաձևության մարքեթինգի մասնագետ Աննա Սալոմե

Գործարար կնոջ 1 օրը․ «Մետաքսի ճանապարհ» հյուրանոցի գործադիր տնօրեն Տաթև Մուրադյան

Գործարար կնոջ 1 օրը․ Արփի Գաբրիելյանի Arpi X Feral շրթներկի անվանական կոսմետիկ գիծը Feral-ի հետ համատեղ

Գործարար կնոջ 1 օրը․ Demirkhanyans’ Models School-ի հիմանդիր Աննա Դեմիրխանյան

Գործարար կնոջ 1 օրը. Petoor-ի հիմնադիր Անի Մկրտչյան

Գործարար կնոջ 1 օրը․ Life Cafe-ի հիմնադիր Լիլիթ Բաբասյան

Գործարար կնոջ 1 օրը․ Brow Up-ի գլխավոր դիմահարդար Մերի Մարտիրոսյան

Գործարար կնոջ 1 օրը․ Sarajyan Trainings-ի համահիմնադիր Լուսինե Վարդանյան

Գործարար կնոջ 1 օրը․ OD Blow Dry Bar-ի հիմնադիր Հրաչուհի Առաքելյան

Գործարար կնոջ 1 օրը․ «Գինկո» լեզվի կենտրոնի տնօրեն Լուսինե Հայրապետյան

Գործարար կնոջ 1 օրը․ «Մերիդիան Տրանս» ընկերության տնօրեն Մարիամ Գեղամյան

Գործարար կնոջ 1 օրը․ «ԱրմԱս» գինու և կոնյակի գործարանի տնօրեն Վիկտորիա Ասլանյան

Գործարար կնոջ 1 օրը․ «Լոֆթ» կենտրոնների գլխավոր տնօրեն Արևիկ Համբարձումյան