Հայտնի են աշխարհում ամենաշատ օգտագործվող և վաճառվող սմարթֆոնները

iPhone 7 հանրաճանաչ սմարթֆոնը դարձել է 2020թ․ մոլորակի ամենաօգտագործվող սարքը, իսկ ամենավաճառվողը՝ iPhone XR և iPhone 11 սմարթֆոններն են, պարզել է DeviceAtlas-ի մասնագետների հետազոտությունը։

Ընթացիկ տարում ամենապահանջված սմարթֆոն է ճանաչվել Apple ընկերության 2016թ․ թողարկած iPhone 7 սմարթֆոնը։ Ամենապոպուլյար սմարթֆոնների շարքում են նաև iPhone 6-ը և iPhone X-ը։

Բացի ամերիկյան հայտնի արտադրողի գաջեթներից, ոչ պակաս պահանջված են նաև հարավկորեական Samsung-ի սմարթֆոնները։ Պարզվել է, որ շատ շուկաներում պոպուլյար են Galaxy S8 և S9 մոդելները։ Եվրոպայի տարածքում ամենավաճառվողը Galaxy A50 մոդելն է ճանաչվել։ Այն գերազանցել է iPhone XR և iPhone 11 սմարթֆոններին, որոնք, իրենց հերթին, գերազանցել են հարավկորեական ընկերության A10 և A40 մոդելներին։ Չինաստանում ամենաշատը վաճառվել է Oppo A5 և A9 սմարթֆոնները, իսկ Ասիա-Խաղաղօվկիանոսյան տարածաշրջանում՝ A5s մոդելը։