Himnark-ը նոր ներդրում է ստացել Հայաստանի բիզնես հրեշտակներից (տեսանյութ)

«Հիմնարկը» մշակում է փոքր և միջին ձեռնարկությունների վարչական գործառույթների ավտոմատացման լուծումներ՝ օգնելով գործարարներին ազատվել առօրյա ձանձրալի անելիքներից։

Հայաստանի բիզնես հրեշտակների ցանցի ներդրողները 2-րդ անգամ ներդրում են կատարել «Հիմնարկ» ստարտափում։ Առաջինը՝ 2018-ի նոյեմբերին էր։ Մեկ տարվա ընթացքում BANA-ին միացել են նոր ներդրողներ, ովքեր ևս դիտարկել են այս հնարավորությունն ու որոշել իրենց «խելացի գումարը» ներդնել այս թիմում։

Business Angel Network of Armenia-ի տնօրեն Գրիգոր Հովհաննիսյանի փոխանցմամբ՝ վերջին մեկ տարվա ընթացքում ակտիվ աշխատել է ստարտափի հիմնադիրների հետ.

«Ուրախ ենք հայտնել «Հիմնարկ»-ում երկրորդ ռաունդով մեր ներդրումների մասին։  Սա համատեղ ներդրման հրաշալի օրինակ է։ Ստարտափը հնարավորություն ունի օգտագործելու փորձառու մասնագետների գիտելիքն ու փորձը՝ ընդլայնելու և խթանելու իր արտադրանքը»։

Հայաստանի բիզնես հրեշտակների ցանցի անդամները հայ և այլազգի  գործարարներ և ներդրողներ են, ովքեր հետաքրքրված են ստարտափ թիմերում ներդրումներ անելով։ Ֆինանսական կապիտալից բացի, բիզնես հրեշտակներն իրենց մեծ փորձը փոխանցում են նորաստեղծ ընկերությունների անդամներին, տրամադրում են անհրաժեշտ ռեսուրսներ և օգնում հաջողության հասնել միջազգային շուկայում։

«Հիմնարկի» ստեղծման, գործառույթների և նոր ներդրման մասին պատմում է ընկերության համահիմնադիր Ռուբեն Օսիպյանը․