Ինչ է ցուցադրել Microsoft-ը Gamescom 2017 expo-ի ժամանակ

Այս տարի Gamescom expo-ի բացումը Microsoft-ը անցկացրեց Քյոլնում։ Ցուցադրվեցին նոր Xbox One X կոնսոլի առավելությունները, ներկայացվեցին նաև նոր թրեյլերներ և գեյմփլեյներ։ Նոր խաղեր ցավոք այս անգամ բացակայում էին։

Xbox Project Scorpio Edition

Ներկայացվեց նոր սահմանափակ Xbox-ի տարբերակը, որը կրում է նախաձեռնության անունը՝ Project Scorpio: Գեյմեռների համար անակնկալ եղավ, երբ պարզվեց, որ նոր կոնսոլը 650$-ի փոխարեն կարժենա 500$: Հիշեցնենք որ ամենահզոր կոնսոլը կարելի է փորձարկել արդեն այս նոյեմբերին։

Assassin’s Creed: Origins

Ներկայացվեց Assassin’s Creed-ի Origins-ի խաղի նոր թրեյլեր։ Ներկայացվեց նաև գլխավոր հակառակորդը՝ Փարավոնը։ Զգալ հին Եգիպտոսի մթնոլորտը կարելի է հոկտեմբերի 27-ին։

Middle-earth: Shadow of War

Նոր թրեյլերներից էր նաև հանրահայտ RPG Middle-earth-ի Shadow of War-ը։ Առանձնապես նոր փոփոխություններ գեյմփլեյի հետ կապված չնկատվեցին։ Խաղը սպասվում է  հոկտեմբերի 10-ին։

Word of Tanks

Անսպասելիորեն ներկայացվեց World of Tanks-ը Xbox One X-ի համար, որն ուներ նոր 4K գրաֆիկական աջակցություն։ Ներկայացվեց «Military Chronicles» սյուժետային ռեժիմը։ Արդեն հնարավոր է ոչնչացնել թշնամիների տանկերը։

PlayerUnknown’s Battlegrounds

Ցուցադրվեց այս տարվա «հիթը»՝ արդեն նոր կոնսոլի համար։ Հիշեցնենք, որ վերջերս խաղի վաճառքն անցել է 8 միլիոնը, իսկ  Steam-ում 2-րդն է օնլայն խաղացողների ցուցանիշով։ Ստույգ թողարկման օրն հայտնի չէ։