#ԻնչԿաՀեռախոսիդՄեջ. Անի Մաղաքյան. 3 հավելված, որ պետք է ունենան սցենարիստները - VNews

#ԻնչԿաՀեռախոսիդՄեջ. Անի Մաղաքյան. 3 հավելված, որ պետք է ունենան սցենարիստները

Յուրաքանչյուրն իր սմարթֆոնում հավելվածներն ընտրում է ըստ անհրաժեշտության և նախընտրության, բայց շատ հաճախ՝ նաև ըստ մասնագիտության։ Մեր այս շարքում տարբեր մասնագիտությունների ներկայացուցիչներ կներկայացնեն հավելվածների եռյակը, որոնք հատուկ են հենց իրենց մասնագիտություններին:

Անի Մաղաքյան

Ես Անին եմ: 14 տարի առաջ Վանաձորից տեղափոխվեցի Երևան` սովորելու, և սկսվեց իմ պատմությունը: Մասնագիտությամբ բանասեր մանկավարժ եմ, քաղաքագետ, լրագրող և վերջապես սցենարիստ: Ներկայումս ողջ ժամանակս տրամադրում եմ սցենարիստիկային: «Երանի», «Վենդատտա», «Օտարը», «Էլենի օրագիրը»` լսե՞լ եք, այդ սերիալների սցենարիստն եմ: Գրականությունը և ֆիլմերը ինձանից խլում են ողջ ազատ ժամանակս:

Իսկ ազատ ժամանակ ունենալու համար աշխատանքս համակարգված և արագ անելուն օգնում են հետևյալ հավելվածներ`

 Fade in mobile

Այստեղ հնարավոր է գրել սցենարը հենց հեռախոսի մեջ, այնուհետև պատրաստի տեքստն ուղարկել Dropbox-ի միջոցով: Շատ հեշտ է օգտագործման մեջ, պարզ է և հասանելի: Հավելվածն անվճար է, և ամենանահարմար պահին, երբ պետք է լինում արագ տեսարան խմբագրել, բայց համակարգիչս ձեռքիս տակ չէ, ես օգտվում եմ հենց սրանից:

Story Planner

Գրողների և հատկապես սցենարիստների համար շատ օգտակար հավելված է: Հնարավորություն է տալիս ցանկացած վայրում ազատ ժամանակ ունենալու դեպքում արագ կազմել աշխատանքային պլանդ, շարել տեսարաններդ, նախապատրաստվել աշխատանքին: Սրանից օգտվում եմ երկար ուղևորությունների ժամանակ, մեքենայի մեջ` ժամանակ չկորցնելու համար:

Bodyweight

Քանի որ սցենարիստի աշխատանքը մեծամասամբ պասիվ ֆիզիկական ծանրաբեռնվածության է բերում, այս հավելվածի միջոցով կարողանում եմ մի քանի րոպեով կտրվել աշխատանքից և կարճ մարզումների որևէ ծրագիր անել: Ֆիզիկական վարժությունները օգնում են թարմանալ և նորից անցնել աշխատանքի:

Եթե դուք, այնուամենայնիվ, սցենարիստ չեք, ապա սպասեք ձեր մասնագիտությանը համապատասխան հավելվածների եռյակին՝ մեր շարքի հաջորդ հերոսներից։

Նյութը պատրաստեց Շուշանիկ Ասատրյանը


#ԻնչԿաՀեռախոսիդՄեջ Բուրաս Պապիկյան 3 հավելված, որ պետք է ունենան ոճային բլոգերները

#ԻնչԿաՀեռախոսիդՄեջ Սամվել Մարտիրոսյան. 3 հավելված ՏՏ ոլորտի մասնագետից

#ԻնչԿաՀեռախոսիդՄեջ Արմեն Խաչիկյան. 3 հավելված, որ պետք է ունենան սոցիոլոգները

#ԻնչԿաՀեռախոսիդՄեջ Էդգար Ամիրխանյան. 3 հավելված, որ պետք է ունենան ռադիոաշխատակիցները

#ԻնչԿաՀեռախոսիդՄեջ Արևիկ Համբարձումյան. 3 հավելված, որ պետք է ունենան տնօրենները

#ԻնչԿաՀեռախոսիդՄեջ Սյունե Սևադա. 3 հավելված, որ պետք է ունենան գրողները

#ԻնչԿաՀեռախոսիդՄեջ Արման Աբելյան. 3 հավելված, որ պետք է ունենան մարզական մեկնաբանները

#ԻնչԿաՀեռախոսիդՄեջ. Սվետլանա Մուրադյան. 3 հավելված, որ պետք է ունենան դոկումենտալ ֆիլմերի կոորդինատորները

#ԻնչԿաՀեռախոսիդՄեջ. Կարեն Բուդաղյան. 3 հավելված, որ պետք է ունենան բորդուղեկցորդները

#ԻնչԿաՀեռախոսիդՄեջ Մարիամ Մարիկյան. 3 հավելված, որ պետք է ունենան ուսուցիչները

#ԻնչԿաՀեռախոսիդՄեջ Գայանե Ավդալյան․ 3 հավելված, որ պետք է ունենան բոլոր երաժիշտները