Ինչպե՞ս վաստակել և ծախսել գումարը․ խորհուրդ են տալիս հայտնի հաջողակ բիզնեսմենները

Հենրի Ֆորդը, Ռոբերտ Կիոսակին, Հովարդ Շուլցը և այլ հաջողակ անհատներն այն մասին, թե ինչպես վաստակել գումար, ծախսել խելամիտ և ապրել բարեկեցիկ կյանքով։

Հենրի Ֆորդ (ամերիկացի արդյունաբերական և բիզնես մագնատ)

Լեգենդար արդյունաբերողը, ավտոմեքենաների արտադրության գործարանների սեփականատերը և գյուտարարը լավատես էր: Նա համարում էր, որ անկախ տարիքից, հարկավոր է մշտապես փնտրել նոր մոտեցումներ և չվախենալ դժվարություններից։ Գումարը Հենրի Ֆորդի համար նոր գիտելիքների ու փորձի ձեռքբերման աղբյուր է եղել։ Այս պատճառով նա խորհուրդ էր տալիս ներդրում կատարել սեփական անձի մեջ, միայն այդ կերպով է հնարավոր հաջողության հասնել։

Խորհուրդներ

• Եթե գումարը ձեր անկախության հույսն է, ապա դուք երբեք անկախ չեք լինի։ Միակ իրական երաշխավորումը, որ մարդը կարող է ստանալ այս աշխարհում՝ իր գիտելիքի, փորձի և հնարավորությունների պաշարն է։
• Հաջողության և հարստության գաղտնիքը ուրիշներին՝ ինքդ քեզ պես հասկանալու կարողության մեջ է։ Պետք է սովորել յուրաքանչյուր գործի նայել ինչպես քո, այնպես էլ ուրիշների աչքերով։ Տարբեր տեսակետները կարող են հանգեցնել ճշտին։
• Մեծերը սովորեցնում են մեզ, որ պետք է խնայել գումարը, հետ գցել։ Սա շատ վատ խորհուրդ է, որը պետք չէ լսել։ Մի խնայեք գումարը բանկերում, ներդրեք ինքնակրթության մեջ։ Մինչև 40 տարեկանը ես չեմ խնայել մեկ կոպեկ անգամ, ամբողջը նվիրել եմ իմ հետագա զարգացմանը։

Ուորեն Բաֆեթ (ամերիկացի գործարար, ներդրող)

Ուորեն Բաֆեթը համարվում է բոլոր ժամանակների հռչակավոր ներդրող։ Ֆինանսական օլիմպոսսը գրավել նա սկսել է 10 հազար դոլարից և անցյալ դարի 60-ականներին ներդրումային ընկերություն հիմնելուց։

Այսօր Ուորեն Բաֆեթն աշխարհի ամենահարուստ մարդկանցից մեկն է, նրա կարողությունը գնահատվում է 77,3 միլիարդ դոլար, նաև զբաղվում է բարեգործությամբ։ Նրա երկարաժամկետ հաջողության գլխավոր գաղտնիքը, հենց իր կարծիքով, սկզբունքայության, համբերության և զգուշավորության մեջ է։

Խորհուրդներ

• Ինձ համար միևնույն է, գուլպաների, թե ակցիաների մասին է խոսքը, ինձ դուր է գալիս իջեցրած գնով որակյալ ապրանք գնելը։
• Լավ աշխատանք փնտրելը անընդհատ հետաձգելն ու քեզ ճնշող գործով զբաղվելը նման է սեքսը մինչև թոշակի անցնելը հետաձգելուն։
• Եթե ունեք ընտրության հնարավորություն, առավել կարևոր է «ոչ» ասելը, քան «այո»։
• Ես միշտ իմացել եմ, որ հարուստ եմ լինելու, չեմ կասկածել մեկ րոպե անգամ։

Ռոբերտ Կիոսակի (բիզնեսմեն, գրող)

Ռոբերտ Կիոսակին միշտ չէ, որ հաջողակ է եղել։ Սկզբում նա աշխատել է որպես առևտրային գործակալ, այնուհետև հիմնել է սեփական բիզնեսը, սակայն 80-ականներին կորցրել է ամեն ինչ։ Նրա խոսքով՝ «սկսել է իրեն անհաջողակ համարել»։ Հենց այդ պատճառով էլ իր խորհուրդներում մշտապես կրկնվում է այն միտքը, որ հաջողության հասնելու համար հարկավոր է հավատալ սեփական ուժերին։

15 տարի անց գործընկերոջ հետ հիմնել է միջազգային կրթական «Rich Dad`s Organization» ընկերությունը, որտեղ սովորեցնում են բիզնես վարելու և ներդրումներ կատարելու հմտություններ։ 47 տարեկանում նա գրել է բեսթսելեր դարձած «Հարուստ հայրիկ, աղքատ հայրիկ» գիրքը։ Այժմ նա համարվում է ավելի քան 30 բիզնես գրքերի հեղինակ։ Նրա ակտիվների մաքուր արժեքը գնահատվում է մոտ 80 մլն․ դոլար։

Խորհուրդներ

• Նախ պետք է նայել արժեքին, այլ ոչ թե գնին։
• Եթե դուք ձեզ չեք կարող տեսնել հարուստ, ապա երբեք չեք կարող հասնել դրան։
• «Անհնար է» բառը արգելափակում է ձեր պոտենցիալը, մինչդեռ «Ինչպե՞ս դրան հասնել» արտահայտությունը ստիպում է ձեր ուղեղին լիարժեք աշխատել։
• Գումար ետ գցելը լավ խորհուրդ է աղքատի կամ միջին մարդու համար։ Հարստություն կառուցելու համար սա վատ խորհուրդ է։
• Հարստության բանալին դժվար գործերը հեշտացնելու մեջ է։ Բիզնեսի նպատակն, ի վերջո, կյանքը հեշտացնելն է, ոչ թե հակառակը։ Եվ հենց այն բիզնեսը, որը մաքսիմալ հեշտացնում է կյանքը, թույլ է տալիս մեծ գումարներ աշխատել։
• Ամենաարժեքավոր ակտիվը ժամանակն է։ Մարդկանց մեծամասնությունը չի կարողանում ճիշտ օգտագործել այն։ Նրանք անխնա աշխատում են, որպեսզի հարուստներին ավելի հարստացնեն, փոխանակ իրենք իրենց հարստացնեն։

Բոդո Շեֆեր (ֆինանսական խորհրդատու, գրող)

Բոդո Շեֆերին անվանում են ֆինասների Մոցարտ, նա համարվում է ժամանակի ու ֆինանսների կառավարման լավագույն մասնագետներից մեկն աշխարհում։ Շեֆերը մանուկ ժամանակ ինքն իրեն խոստացել է, որ առաջին միլիոնը աշխատելու է մինչև 30 տարեկան դառնալը։ 16-ում նա մտադրվում է գրավել Միացյալ Նահանգները, այնուհետև տեղափոխվում է Մեքսիկա։ 26 տարեկանում սննկանում է, բայց չի կոտրվում։

Նա գտնում է իր մենթորին, որն ուսուցանում է ֆինանսական նրբություններին տիրապետելու և հաջողակ դառնալու արվեստը։ Ինչպես խոստացել էր, 30-ում արդեն վաստակել է իր միլիոնը։ Շեֆերը բազմաթիվ բիզնես գրքերի հեղինակ է, որոնք դարձել են բեսթսելերներ։ Փողի հանդեպ նրա վերաբերմունքը պարզ է․ միջոց, որն օգնում է գնել ժամանակ ազատության, անկախության և երջանկության հասնելու համար։

Խորհուրդներ

• Հարստություն է բերում ոչ թե այն գումարը, որ աշխատում եք, այլ այն, որը կուտակում եք։
• Երջանիկ դառնալու երկու միջոց կա․ սահմանափակել ձեր պահանջները և մեծացնել հնարավորությունները։ Իմաստուն մարդը երկուսն էլ անում է։
• Պետք է անել, ոչ թե փորձել անել։ Ով ուզում է փորձել, նա պատրաստ է անհաջողության, ի վերջո, հենց այդպես էլ ստացվում է։ Փոձելն անհաջողությունը նախապես արդարացնելն է, ներելն է։ Գոյություն չունի փոձել անել, կամ անում ես, կամ ոչ։
• Մարդն առանց սեփական ուժերի հավատի, ընդունակ չէ որևէ բանի, ոչինիչ չունի, ոչ ոք է։

Հովարդ Շուլց (Starbucks-ի ղեկավար, բիզնեսմեն)

Հովարդ Շուլցը` Starbucks-ի ղեկավարն ու տնօրենների խորհրդի նախագահը, հայտարարում է, որ մարդու ունեցած արժեքները ավելի կարևոր են, քան նրա կապիտալի չափը: Նա ծնվել է Բրուքլինում համեստ ընտանիքում։ Քոլեջն ավարտելուց հետո և մի շարք ընկերություններում աշխատելուց հետո աշխատանքի է անցել Starbucks-ում։ Ասում են, Շուլցը համոզել է ընկերության ղեկավարներին իրեն վստահել Starbucks-ի գործադիր տնօրենի պաշտոնը չնչին աշխատավարձի դիմաց, քանի որ հավատացել է, որ կհասնի անհավանական հաջողությունների։

Փաստորեն, նրա մոտ ստացվել է, քանի որ Starbucks-ն այսօր աշխարհի խոշորագույն սուրճի ցանցն է։ Բիզնեսին նա վերաբերվում է որպես լրջագույն առաքելության, որի կատարման համար հարկավոր է երազել։

Խորհուրդներ

• Ինչ-որ փոքր բանի մասին երազելով՝ որբեք մեծ հաջողության չեք հասնի։ Ում է պետք այնպիսի երազանք, որը կարելի է շոշափել ձեռքով։
• Եթե դուք ասում եք, որ երբեք շանս չեք ունեցել, ապա հնարավոր է պարզապես դուք դրանից չեք օգտվել։
• Անհաջողությունը կարող է անսպասելի գալ, իսկ հաջողությունը գալիս է միայն նրա մոտ, ով պլանավորում է այն։
• Մեծ ձեռքբերումները պատահական չեն լինում։