5 լայֆհաք Նարեկ Վարդանյանից հաջող քրաուդֆանդինգ արշավ իրականացնելու համար - VNews

5 լայֆհաք Նարեկ Վարդանյանից հաջող քրաուդֆանդինգ արշավ իրականացնելու համար

The Crowdfunding formula-ի հիմնադիր, «Քրաուդֆանդինգի 57 գաղտնիքները» էլ․ գրքի հեղինակ, աշխարհում քրաուդֆանդինգի 15 լավագույն փորձագետներից մեկը` Նարեկ Վարդանյանը, VNews – Business and Tech-ի հետ կիսվել է մի քանի կարևորագույն լայֆհաքերով, որոնք կօգնեն հաջող արշավ իրականացնել և հավաքել պահանջվող գումարը հաշված ժամերի ընթացքում։

Նարեկի վերջին հաջողված նախագծերից մեկը՝ Bristly-ն է, որը Kickstarter-ում ժամերի ընթացքում հավաքել և կրկնապատկել է նախապես սահմանված գումարը։ Լոս Անջելեսից հայ երիտասարդի մշակած պրոդուկտը շների համար նախատեսված ատամները լվանալու միջոց է, որի վրա էլ վերջին ամիսներին The Crowdfunding formula-ն կենտրոնացած էր։ Հայկական լսարանին ծանոթ հաջողված պատմություններից են նաև Moon լևիտացիոն տեսախցիկի և Volterman սմարթ դրամապանակի նախագծերը։

1․ Որքա՞ն նշել գումարը

Երբ քրաուդֆանդինգ արշավ եք սկսում, այնտեղ նշում եք ինչ-որ գումարի չափ, որը պետք է հավաքել արշավի ընթացքում: Այդ գումարը պետք է նշել հնարավորինս քիչ: Շատերը կարծում են, որ քիչ նշելով հանկարծ կկորցնեն հնարավոր գումարներ և նշում են օրինակ՝ 100 հազարից 1 մլն. դոլար և այլն: Ինչքան քիչ եք նշում գումարի չափն, այնքան ավելի բարձր է երևում հավաքած գումարի տոկոսային հարաբերակցությունը․ որը շատ մեծ տպավորություն է թողնում։ Նաև ալգորիթմերի հետ է խաղում, բարձր տոկոս հավաքած նախագծերը home page-ում շատ ավելի բարձր տեղում են երևում: Չափից ավել ցածր էլ պետք չէ դնել, որ տրամաբանությունից դուրս մնա, բոլորը կհասկանան, որ դուք պրոֆեսիոնալ չեք: Խելամիտ, հնարվորինս քիչ: Սա հոգեբանորեն առավելություն է տալիս:

2․ Բացահայտե՞լ ապրանքի գինը

Մենք երբեք չենք բացում ապրանքի գինն արշավը սկսելուց առաջ: Ակտիվ գովազդում ենք, խոսում ու promote ենք անում այդ պրոյեկտը, բայց «Ի՞նչ արժե» հարցին խուսափում ենք ուղիղ պատասխան տալ, մոտենում ենք դիվանագիտորեն:

Նախքան արշավն սկսելը՝ մարդիկ շատ քիչ են ինֆորմացված և երբ գինն ասում եք, ապա իրենց ունենցած ինֆորմացիայի համաձայն՝ կարող է թանկ թվալ: Երբ արդեն սկսում եք արշավը, մտնում են էջ ու տեսնում են այնտեղ լավ վիդեոն, նկարները, հավաքած գումարը, որ արագ սպառվում է, այդ ֆոնի վրա մարդիկ պատրաստ են լինում վճարել նշված գումարը:

3․ Ինչպե՞ս անել, որ TechCrunch-ը, Mashable-ը կամ աշխարհի այլ հայտնի մեդիաները գրեն ձեր մասին

Մենք կարողանում ենք լայն լուսաբանում ապահովել աշխարհի ամենահայտնի մեդիաներում։ Լրագրողներին ներգրավելու մի քանի միջոց կա: Հայտնի ժուռնալիստները օրական ստանում են հազարավոր էլ. նամակներ, որոնք բոլորը չեն կարդում: Ինչպե՞ս անել, որ կարդան ու պատասխանեն։

Նախ գտնում ենք պրոյելկտի սեգմենտի վերաբերյալ հոդվածների հեղինակների, հետո գտնում ենք նրանց էլ. փոստի հասցեները, LinkedIn-ի, Twitter-ի պրոֆիլները և պատրաստում մեծ բազա, հետո երբ սկսում ենք նախագիծը, նամակներ ենք ուղարկում նրանց:

Սկզբում, նախքան արշավն սկսելը, նամակ ենք ուղարկում, որտեղ ոչ մի բան չենք խնդում իրենցից, որովհետև սովորաբար լրագրողներից բոլորն ինչ-որ բան են խնդրում, հոդվածներ գրել և այլն: Մենք այդ թեմայով հոդվածի մասին ենք գրում՝ ուղղակի գովեստի խոսքեր ասելով: Բնական է, որ զարմանում են, որ իրենցից ոչինչ չեն ուզում ու պատասխանում են։ Երբ արդեն սկսում է նախագիծը մենք reply ենք տալիս այդ էլ․ նամակին ու լրագրողը տեսնում է, որ արդեն քեզ հետ նախկինում կոնտակտ ունեցել է ու հաջորդ պատասխանի հավանականությունը մեծանում է:

4․ Ինչպե՞ս հավաքել հետաքրքրված հետևորդներ

Հիմնական օգուտն ստանում ենք հետևորդներից (subscriber), ունենք մարդկանց բազաներ, ովքեր իրենց կամքով տրամադրում են իրենց կոնտակտային տվյալները մեզ, որ հետո իրենց տեղյակ պահենք, թե երբ ենք նախագիծն սկսելու: Շատ հաճախ տասնյակ հազարավոր հետևորդներ ենք ունենում՝ նախքան արշավն սկսելը, նաև դա է նպաստում, որ արշավի մեկնակից 24 ժամ անց հավաքում ենք սահմանված գումարը:

Այսպիսով, պարզ էջ ենք պատրաստում նախագծի մասին շատ ընդհանրական նկարագրով, որտեղ կա էլ. հասցեն մուտքագրելու հնարավորություն: Այստեղ պետք է տալ ոչ չափից ավելի, ոչ էլ պակաս ինֆորմացիա և եթե հետաքրքրի մարդկանց, ապա նրանք կգրանցվեն, որպեսզի ստանան ավելի շատ ինֆորմացիա, զեղչեր և այլ բոնուսներ: Մենք հավաքում ենք այդ մարդկանց էլ. հասցեները իրենց կամքով։

Հետո Facebook-ում իրենց գովազդներ ենք ցույց տալիս, սա ինֆորմացիա տալու երկրորդ ալիքն է, այնուհետև մեյլ ենք ուղարկում Facebook-ի խմբի լինկով ու այդ մարդիկ մտնում են նաև մեր Facebook-յան խումբ:

Մարքեթինգում կա մի նրբություն, երբ մարդը 3 տարբեր ալիքներից է ստանում ինֆորմացիա, հավանականությունը շատ ավելի մեծ է, որ նա կգնի ապրանքը: Ակտիվորեն չատ-բոտերն ենք օգտագործում, սա էլ հնարավորություն է տալիս ամբողջապես ավտոմատացնել այդ շփումները:

Ինչպե՞ս ներգրավել հետևորդների ընկերներին նույնպես․ 

Մեր հետևորդներին մղում ենք նաև իրենց ընկերներին բերել: Մարդիկ սովորաբար իրենց նման ընկերներ ունեն։ Եթե շուն պահող է, ապա հաստատ կունենա շուն պահող ընկերներ: Մեր խնդիրներից մեկն է, թե ինչպես անել, որ ոչ միայն ինքը գրանցվի այլ նաև իր ընկերները գրանցվեն մեզ մոտ: Շատ հաճախ մրցումներ ենք իրականցնում՝ լրացուցիչ զեղչերով, երկկողմանի բոնուսներով և այլն: Ռեֆերալ մարքեթինգի շնորհիվ կրկնապատկում ենք մեր ունեցած հետևորդների քանակը:

5․ Ի՞նչ գաղտնի հնարավորություններ է տալիս LinkedIn-ը

LinkedIn-ը, եթե իմանա ինչեր ենք անում LinkedIn-ի հետ, ըստ երևույթին, կգա մեզ հետ ծանոթանալու, սովորելու ու իրենց թույլ տեղերը բացահայտելու: Մտնում ենք ինչ-որ խմբեր LinkedIn-ում, կարողանում ենք կապվել այդ խմբի անդամներից բոլորի հետ ու հետո իրենց ինֆորմացիա ենք ուղարկում կամ էլ. փոստերին կամ LinkedIn-ին: Շատ ներգրավված լսարան ենք ունենում իրականում այս հարթակում: LinkedIn-ը շատ հավելվածներ ունի, որոնք հեշտացնում ու ավտոմատացնում են այդ ամբողջ գործընթացը:

Մի քանի հավելված, որ օգտագործում է Նարեկ Վարդանյանը նամակագրության գործընթացն ավտոմատացնելու համար

Մենք թիմով շատ մեծ սիրահար ենք տարբեր հավելվածների ու ծրագրերի․

Gmail Streak․ շատ հաճախ, երբ էլ. նամակ եք գրում ինչ-որ մեկին, հետաքրքիր է իմանալ արդյոք նա բացել է այն, տեսել է, թե ոչ։ Streak-ի միջոցով կարելի է իմանալ այդ ամենը, անգամ քանի անգամ են բացել, ինչ սարքով, որտեղից և այլն: Gmail-ում ավելացնելով այս ծառայությունը՝ ցանկացած մեյլ, որ ուղարկում եք կողքի հատվածում աչք է ավելանում։ Եթե աչքը մոխրագույն է, ապա չի բացվել նամակը, կանաչի դեպքում՝ բացվել է: Մկնիկը պահեք աչքի վրա կտեսնեք, թե քանի անգամ է բացվել նամակը, քլիք անելով կիմանաք տեղը։

Պրոֆեսիոնալ կիրառությունը հետևյալն է, երբ տեսնում ենք նամակը չի բացել, նոր նամակ ուղարկելիս բովանդակությունը չենք փոխում, այլ միայն թեմայի տողը՝ դարձնելով ավելի գրավիչ: Երբ տեսնում ենք, որ նամակը բացել է ու չի պատասխանել, ուրեմն թեման հետաքրիքր է բայց կոնտենտը չի հետաքրքրել, ապա թեման պահում ենք գրեթե նույնը, իսկ կոնտենտը փոխում ենք:

Boomerang Gmail․ հնարավորություն է տալիս նորից ստանալ այն նամակները, որոնց այդ պահին չեք կարող պատասխանել, իսկ հետո էլ գուցե մոռանաք։ Կարող եք սահմանել ժամանակ, թե երբ նորից նույն նամակը ստանաք։

Repportive․ ցանկացած մարդ, ում էլ. նամակ եք ուղարկում, երևում է իր LinkedIn պրոֆիլը ու մեկ քլիքով կարելի է իրեն ավելացնել LinkedIn-ի կոնտակտներում, կապերն ավելացնել այս հարթակում:

Rebump․ հնարավորություն է տալիս ավտոմատացնե շատ նամակներ ուղարկելը։ Օրինակ՝ եթե ուղարկած նամակները ստացողը չի բացել, ապա ուղարկել մեկ այլ նամակ 3 օրից, եթե բացել է ու քլիք է արել, ապա ուղարկել մեկ այլ բովանդակությամբ նամակ 4 օրից և այդպես տարբեր բովանդակության նամակներ նախապես կարելի է պատրաստել ու պլանավորել: