Մասկն ասել է, թե ինչն է եղել Falcon Heavy-ի կենտրոնական արագացուցիչի վթարի պատճառը

SpaceX-ի հիմնադիր Իլոն Մասկը հայտնել է, որ Falcon Heavy հրթիռի կենտրոնական արագացուցիչը վթարվել է այն պատճառով, որ շարժիչի վառելիքը վերջացել է: Այս մասին գրում է Engadget-ը:

Falcon Heavy հրթիռը հաջողությամբ արձակվել է փետրվարի 6-ին, 22:45 Ֆլորիդայում գտնվող Քենեդիի տիեզերական կենտրոնից: Առաջին բաղադրիչի երկու կողային արագացուցիչները հաջողությամբ դուրս են եկել և վայրէջք կատարել:

SpaceX-ի ներկայացուցիչներն ասել են, որ առաջին բաղադրիչի երրորդ բլոկը՝ կենտրոնական արագացուցիչը ընկել է Ատլանտյան օվկիանոս 482 կմ/ժ արագությամբ, այն պատճառով, որ 3 շարժիչներից միայն մեկն է աշխատել: Սկզբնապես պլանավորվում էր, որ բլոկը պետք է վայրէջք կատարի լողացող հարթակին և կրկին օգտագործվի: