#ԻնչԿաՀեռախոսիդՄեջ Գայանե Ավդալյան․ 3 հավելված, որ պետք է ունենան բոլոր երաժիշտները - VNews

#ԻնչԿաՀեռախոսիդՄեջ Գայանե Ավդալյան․ 3 հավելված, որ պետք է ունենան բոլոր երաժիշտները

Յուրաքանչյուրն իր սմարթֆոնում հավելվածներն ընտրում է ըստ անհրաժեշտության և նախընտրության, բայց շատ հաճախ՝ նաև ըստ մասնագիտության։ Մեր այս շարքում տարբեր մասնագիտությունների ներկայացուցիչներ կներկայացնեն հավելվածների եռյակ, որոնք հատուկ են հենց իրենց մասնագիտություններին:

Գայանե Ավդալյան

Երաժիշտ-երգչուհի, մի շարք երգերի հեղինակ, Երևանի պետական համալսարանի ուսանողուհի, ապագա լրագրող,  «Հայասա» ֆոլկ բենդ»-ի վոկալիստ: Հայտնի է մի շարք բարեակգործական համերգներից, սովորել է  Երգի պետական թատրոնում, մանկուց կիթառ է նվագել, մասնակցել է հայկական նախագծերի՝ «Հայաստանի ձայնը», «Հայ սուպերսթար». ունի հեղինակած գիրք՝ «Մոլորակին երիցուկներ»:

Ես Գայանեն եմ, արդեն անհիշելի տարիներից զբաղվում եմ երաժշտությամբ (երևի ծնունդիս օրվա ճիչով սկսված), ունենում եմ համերգներ, շրջագայություններ, ծանր, բայց լիցքավորող փորձեր, սիրուն էմոցիաներ, որակյալ ունկընդիր։ Այս ամենի ընթացքում կան ընտիր app-եր, որոնք ինձ օգնում են երաժշտության հետ կապված բոլո՜ր հարցերը կարգավորել։

Garage Band

Առաջինը ներկայացնեմ Garage band-ը: Այն բազմաֆունկցիոնալ ծրագիր է՝ կարող ես ձայնագրել, նվագել, միքսել, էֆեկտներ ավելացնել, արդեն պատրաստի գործիքավորումների վրա աշխատել։ Մի խոսքով՝մի հրաշք բան, որ խորհուրդ կտամ ամեն երաժշտի՝ ձեռքի տակ ունենալ։

Guitar tuna

Անցնեք հաջորդին: Ցանկացած կիթառիստ օրվա ընթացքում ապահովության համար մի հազար անգամ լարում է գործիքը։ Այս հրաշալի արարողակարգը մատչելի ու հեշտ է դարձնում Guitar tuna-ն։ Ի  տարբերություն այլ հավելվածների՝ Guitar tuna-ի միջոցով կարող ենք լարել, թե էլեկտրական, թե ակուստիկ կիթառները: Ազդանշանները հավելվածն ընդունում է միկրոֆոնի միջոցով և հստակ արձանագրում ձայնային փոփոխությունները:

Meloman

Դե, իսկ սիրելի երգերը վայելելու, օֆլայն ու միշտ հասանելի դարձնելու համար ամենամեծ բազայով հավելվածն ինձ համար Meloman-ը app-ն է: Միշտ կարելի է երկար ճանապարհ գնալ այս հավելվածի հետ: Հավելվածի առանձնահատկություններից է այն, որ աշխատում է նաև առանց WiFi-ի:

Եթե դուք, այնուամենայնիվ, երաժիշտ չեք, սպասեք ձեր մասնագիտությանը համապատասխան հավելվածների եռյակին մեր շարքի հաջորդ հերոսներից 😉


#ԻնչԿաՀեռախոսիդՄեջ Բուրաս Պապիկյան 3 հավելված, որ պետք է ունենան ոճային բլոգերները

#ԻնչԿաՀեռախոսիդՄեջ Սամվել Մարտիրոսյան. 3 հավելված ՏՏ ոլորտի մասնագետից

#ԻնչԿաՀեռախոսիդՄեջ Արմեն Խաչիկյան. 3 հավելված, որ պետք է ունենան սոցիոլոգները

#ԻնչԿաՀեռախոսիդՄեջ Էդգար Ամիրխանյան. 3 հավելված, որ պետք է ունենան ռադիոաշխատակիցները

#ԻնչԿաՀեռախոսիդՄեջ Արևիկ Համբարձումյան. 3 հավելված, որ պետք է ունենան տնօրենները

#ԻնչԿաՀեռախոսիդՄեջ Սյունե Սևադա. 3 հավելված, որ պետք է ունենան գրողները

#ԻնչԿաՀեռախոսիդՄեջ Արման Աբելյան. 3 հավելված, որ պետք է ունենան մարզական մեկնաբանները

#ԻնչԿաՀեռախոսիդՄեջ. Անի Մաղաքյան. 3 հավելված, որ պետք է ունենան սցենարիստները

#ԻնչԿաՀեռախոսիդՄեջ. Սվետլանա Մուրադյան. 3 հավելված, որ պետք է ունենան դոկումենտալ ֆիլմերի կոորդինատորները

#ԻնչԿաՀեռախոսիդՄեջ. Կարեն Բուդաղյան. 3 հավելված, որ պետք է ունենան բորդուղեկցորդները

#ԻնչԿաՀեռախոսիդՄեջ Մարիամ Մարիկյան. 3 հավելված, որ պետք է ունենան ուսուցիչները