Ռուսաստանն աշխարհում iPhone 11 Pro Max-ն ամենաթանկը վաճառող երկիրն է

PhoneArena պարբերականի լրագրողները համեմատել են ամբողջ աշխարհում Apple-ի նոր սմարթֆոնների գները: Ըստ այդ ցուցակի՝ Ռուսաստանն այն երկրների եռյակում է, որտեղ iPhone-ներն ամենթանկն են վաճառվում: iPhone 11-ի 64 ԳԲ տարբերակն արժե 933 դոլար, Նորվեգիայում այն արժե 947 դոլար, իսկ Ճապոնիայում՝ 692 դոլար:

Ինչ վերաբերում է iPhone 11 Pro Max (512 ԳԲ) սմարթֆոնին, ապա այս մոդելը աշխարհում ամենաթանկը վաճառվում է Ռուսաստանում: Այն արժե 2053 դոլար: Համեմատելու համար պետք է ասել, որ նույն մոդելն ԱՄՆ-ում արժե 1449 դոլար: