Samsung-ը 5G կապով բյուջետային սմարթֆոններ կթողարկի

Դեռևս 2019թ․ սեպտեմբերին Samsung-ը թողարկել էր 5G կապի հնարավորությամբ Galaxy A90 սմարթֆոնը։ 2020թ․ արդեն թողարկվեցին Galaxy A51 5G և Galaxy A71 5G սմարթֆոնները, որոնք չնայած համարվում են ոչ թանկարժեք, սակայն դրանց գինն այլ բան է ասում․ համապատասխանաբար՝ 500 և 600 դոլար։

Այժմ ընկերությունը որոշել է թողարկել ավելի մատչելի 5G սմարթֆոններ, որոնք նույնպես Galaxy A շարքից կլինեն, հայտնում է astera.ru-ն։

Թե ինչ մոդելներ կլինեն դրանք, որքան կարժենան և երբ կթողարկվեն, դեռևս հայտնի չէ։