Skype-ով վիդեոզանգի ընթացքում ֆոնը փոխելու գործառույթ է ավելացել

Microsoft ընկերությունը վերջապես ավելացրել է նոր գործառույթ Skype-ում, ինչը թույլ կտա վիդեոզանգի ընթացքում փոխել հետևի ֆոնային պատկերը՝ Zoom-ի նմանությամբ:

Վերջին օրերին մեծ տարածում է գտնում Zoom ծրագիրը և Microsoft-ն ամեն կերպ փորձում է նոր գործառույթներ ավելացնել Skype-ում՝ դրա գործածելիությունը բարձրացնելու համար: Skype-ով արդեն կարելի է վիդեոզանգեր կատարել առանց գրանցվելու և որևէ ծրագիր տեղադրելու: Նախկինում հասանելի էր ետնապատկերը շղարշով փակելու հնարավորությունը, այժմ թարմացված Skype-ով օգտատերերը կարող են նաև ընտրել ցանկացած լուսանկար և տեղադրել որպես ետնապատկեր: